معجنات خفيفه وبيتزا من تحت ديات بنتي صفاء ام محمد ملكة رمضان

المقادير

• خمس كاسات طحين
• معلقة خميره
• ملح حسب الرغبه
• نصف كوب لبن رايب
• معلقة خل
• فنجان زيت
• معلقتين سكر للحشو
• جبنه اي نوع بتحبيه
• زعتر او بقدونس مفروم
• نص كيلو لحمه مفرومه
• راسين بصل
• فطر مقطع شرايح
• ريتون اسود
• فليفله
• اربع حبات بندوره
• معلقتين صلصه
• فلفل اسود
• للزينه:
• سمسم حبه سمرا
• للعحن:
• ماء دافىء

الخطوات

بسم الله الرحمان الرحيم

السلام عليكم

يسعد اوقات الحلوين يا رب تكونوا دائما بخير وبصحه وعافيه انتم واهلكم واطفالكم وجيرانكم واحبابكم جميعا وتقبل الله منكم الصيام والقيام والدعاء

اليوم حبيباتي جبتلكم وصفه خفيفه وبسيطه من تحت ديات بنتي ام محمد ما شاء الله الحظر اخذ مفعوله السريع معها وصارت تتفنن وهذه فائده من فوائد الحظرربنا يرفع عنا الوباء والبلاء

اول شي بنبلش بالعجينه بننقع الخميره ومعلقتين السكر وبنحركهم وبنتركهم يتخمرو وبنبلش بوضع الطحين والملح واللبن والخل وشوية زيت زغيره وبنضيف الخميره وبنبلش نعجن بالماء الدافىء وبنلمها بشوية زيت زغيره وبنتركها ترتاح وتتخمر

طبعا بنكون جهزنا الحشوات مسبقا

الحشوه الاولى بنخلط الجبنه مع الزعترالناشف المفروك باليد مع بعض او اذا ما بتحبي الزعتر بتقدري تحطي بقدونس مفروم ناعم ومغسول منيح ومصفى من المي

طبعا بالنسبه للحمه بنتفرمي البصل ولما يتذبل بتحوسيه مع اللحمه وبتبيله بالملح والفلفل الاسود واي بهارات بتحبيها بامكانك اضافة حبة بندوره مفرومه ناعم

صوص البيتزا طبعا بنقشر حبات البندوره وبنطحنهم على الخلاط بنفرم راس بصل مفروم ناعم بنقلبه بشوية زيت وبنضيفله البندوره وشويه صلصة حسب الرغبه وبنضيفله ملح وفلفل وبهارات وبنتركه يبردلعند الاستخدام

العجينه اتخمرت بنقطها بنتركها ترتاح شوي وبندهن صينيه بالزيت وبنرقها على الصينيه وبنخزقه بالشوكه هاي البيتزا حتى ما تطلع خميله واذا بتحبي تعملي كرات صغيره وتحشيها بالحبنه وتحطيها داير ما يدور الرغيف وبتدهنيها بالصلصه وبتوزعي الخضار الزيتون والفطر والفليفه عليه وبترشيها بالجبنه

الفطيره التانيه بترقي العجيته بالصينيه وبتوزعي الجبنه والزعتر على الرغيف وبتحطي فوقها قطعة عجين تانيه بتكوني رفيتيها على حنب مثل الاولى واغلقيها جيدا من الحواف حتى الجبنه ما تطلع من الحواف بتعرفو عنا حظر والجو ما بطمن

وبدهن الوجه بصفار البيض والخل والنسكافيه اوالحليب او اي شيء انتي جربتيه وبترشيها بالحبه السودا والسمسم وعلى فرن محمى مسبقا ولما تخرج وتبرد شوي بتقطعيها وتلذذي باحلى سحور مع كاسة شاي بالنعنع واذا جوزك برا البيت في شغله بتقدري تعمليه على الفطور لانهم الرجال بدهم طبايخ ما برغبو هيك شغلات رمضان ومعجنات على الفطور بشعروا بالظلم الابدي ربنا يحفظكم ويحفظ اولادكم ويحفظ الجميع

استودعتكن لله العلي العظيم الذي لا تضيع ودائعه يا احلى صبايا