شوربة الكوسا ملكة رمضان
شوربة الكوسا ملكة رمضان
المقادير
- 4 حبات كوسا كبار
- ربع كاسة رز قصير الحبة( تايجر )
- ماجي بودرة باكيت
- نص معلقة صغيرة عصفر
- راس بصل صغير
الخطوات
السلام عليكم ورحمة الله وبركاته كيفكم أخواتي اليوم جبتلكم نوع مقبلات جنب الأكل الي هيي شوربة الكوسا على طريقتي ان شاء الله تعجبكم سهلة وطيبة وسرررريعة
اول شي نضع بطنجرة راس بصل صغير مفروم ناعم مع شوية زيت قلي ومنظل نقلب فيهم لحتى يتذبلو منحط فوقهم الكوسا المقطعة مكعبات ومنقلبهم شوي بعدين منحط الرز المغسول فقط ( مش منقوع بس مغسول غسل ) ومنظل نقلب فيهم شي 5 دقائق بعدين منحط الماجي والعصفر ورشة ملح صغيرة بعدين منحط عليها ماء ساخن غمارتهم وزيادة شويتين ههههه بعدين منخليهم تيغلو منوطي الغاز على الأخير ومنتركهم شي نص ساعة كل شوي منظل نحركها لحتى تتعقد وتسمك شوي
تسكب في صحون التقديم بالهنا والعافية
وهاي هيي كانت وصفتي لليوم وصفة شوربة الكوسا غير عن المعتاد بتمتى منكم تجربوها وتحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️
