جلاش بالسبانج و الجبنة
جلاش بالسبانج و الجبنة
المقادير
- لفة جلاش زودى حسب اللى يناسبك
- نص كيلو سبانخ مغسولة ومقطعة صغير
- ربع كيلو جبنة اسطنبولى مهروسة
- ربع كيلو جبنة رومى مبشورة
- ثمرتين فلفل رومى وحامى مقطع مكعبات صغيره
- بصلة كبيرة مبشورة
- رشة فلفل اسود
- نص ملعقة صغيرة كزبرة جافة
- ملعقة صغيرة بابريكا
- ملعقة صغيرة سماق
- ملعقة صغيرة زنجبيل
- حوالى نص كوب زبدة على زيت
- كوب حليب
- بيضة
- رشة فلفل اسود
الخطوات
نجهز الحشوة
فى شوية زيت على النار نضع البصلة المبشورة يادوب تذبل ثم نضيف الفلفل الرومى و نقلب ثم نضع السبانخ و نقلب حتى تشرب المية بتاعتها و تنشف ثم نتركها تبرد تماما ثم نضيف الجبنة كلها والتوابل ونقلبهم مع السبانخ كويس
كدا الحشو جاهز ونحشى بيه الجلاش نجهز صينية ونرص الجلاش بين كل ورقة والتانية ندهن من خليط الزبدة والزيت ونضع الحشو فى النص
أو نعمل صوابع نفرد ورقة وندهنها ونتنيها نصين ثم تدهن مرة أخرى ونضع ملعقة من الحشو ونلف الجوانب على الحشو وبعدين نلفها رول زى الصوابع ونرصها فى صينية مدهونة وقبل دخول الفرن نوزع كوب الحليب والبيضة على وش الجلاش وندخلها فرن ساخن متوسط الحرارة حتى تحمر ثم نتركها تهدأ
قبل التقديم وبألف هنا
