العزيزية

المقادير

• ربع كيلو مكرونة مسلوقة أى نوع عندك
• 2 بيضة كاملة
• صفار بيضتين
• ڤانيليا
• كوب سكر او حسب الرغبه
• 3 ملاعق كبيرة نشا
• ربع كوب حليب
• 2 ملعقة كبيرة زبدة
• 2 ملعقة كبيرة قشطة
• 4 أكواب حليب دافئ وممكن يزيد حسب القوام
• شربات خفيف عبارة عن:
• نص كوب ميه
• نص كوب سكر
• عصرة ليمون

الخطوات

بعد ما نسلق المكرونة كويس ونصفيها من المية ثم نضعها فى الخلاط الكهربائي مع الحليب والسكر والزبدة والقشطة والبيض ونخفق كويس جدا حتى تنعم المكرونة

ثم نصب خليط المكرونة فى إناء عميق على نار متوسطة ونتركها تغلى أول ما تغلى ندوب النشا فى ربع كوب حليب ونضيفه على خليط المكرونة ونتركه يغلي.مع التقليب حتى يغلظ قوامه ثم نصبه فى صينية مدهونة بالزبدة مقاس 30 وندخله فرن ساخن غالى الحرارة لمدة ربع ساعة ثم نشغل الشواية حتى يحمر الوجه

فى أثناء ذلك نجهز الشربات يغلى خمس دقائق ونطفى النار

ونسقى العزيزية بعد ما تستوى وتحمر نسقيها بالشربات ونتركها تبرد تماما وندخلها التلاجة ساعتين قبل التقديم وبألف هنا