زهره باللبن (المطفيه) ملكة رمضان
زهره باللبن (المطفيه) ملكة رمضان
المقادير
- 2 كيلو زهره
- كيلو رز كيلو او اكثر
- لبن رايب
- نص كيلو شنينه اوجميد
- ملح
- فلفل اسود
- ثون حسب الرغبه
- راس بصل
- لحمه راس عصفور
- رشة زنجبيل
- رشة كركم
- معلقه بهارات مشكله
- زيت للقلي
- شعيريه للارز
- ورق غار
- حبات من الهيل
الخطوات
بسم الله الرحمان الرحيم
السلام عليكم
اسعد الله اوقاتكم جميعا وتقبل منا ومنكم صالح الاعمال
اخواتي اكلتنا اليوم سهله ومعروفه للجميع بس لازم نقدم هيك شغلات اولا حتى يستفيدو الصبايا المبتدئات وثانيا اكيد كل وحده فينا الها طريقتها حتى نستفيد من بعض تبادل ثقافات كما يقولون
طريقتي كالاتي…تعالو نشوف
اول شي بقطع الزهره او القرنبيط قطع متساويه وبنزلها بالماء الساخن والملح لمدة خمس دقائق وبشطفها وبضعها على مضفاه حتى تتصفى من الماء
وببلش بالطبخ بفرم البصل وبضعه في طنجره مع الزيت على النار لما يتذبل بضيف الثوم المهروس طبعا التوم حسب الرغبه بضيفله اللحمه وبقلبها كويس وبضيفلها ورق الغار وحبات الهيل وبغمرها بالمي وبتركها تنضج وقبل ما تنضج بشوي بملحها وبضيفلها البهارات والفلفل في هذه الاثناء بكون جهزت الارز وقليت القرنبيط ووضعته في مصفايه حتى يتصفى من الزيت وبضيف القرنيط للحمه وبتركهم يغلو مع بعض خمس دقائق وبكون خلطت اللبن الرايب مع الشنينه وضفت عليهم معلقة نشا على البارد وحركتهم مزبوط وغليتهم
وبضيفهم للحمه ومقلي الزهره وبتركهم يتسبكو مع بعض انتبهي مزبوط حتى ما تذوب الزهره باللبن الافضل تضل متماسكه وبقدمها مع الارز ساده او بالشعيريه ومع السلكله الي بتحبيها والف صحه وهنا على قلبكم مقدما
استودعتكم لله العلي العظيم الذي لا تضيع ودائعه انتم واحبابكم وكل شي تحبه قلوبكم
