دجاج بالكريمة طعم جديد ولذيذ ملكة رمضان
دجاج بالكريمة طعم جديد ولذيذ ملكة رمضان
المقادير
- صدور دجاج مقطعه حسب الرغبه
- كوب ونص كريمة طبخ
- راس بصل مفروم
- شوي من زيت الذره
- ملح
- فلفل أسود
- مكعب ماجي اختياري
- كوب او كوبين من الماء
الخطوات
السلام عليكم ويسعد أوقاتكم بكل خير يا رب
اليوم الوصفه دجاج بالكريمة بقدمها لمحبي الاكلات بالكريمة او يلي بحبو يجربو هيك نوع من الاكلات كتغير وتجديد بالاكلات ..وطعمها كثير زاكي وطيب
ان شاء الله بتعجبكم وبتجربوها وبتحبوها ..
يلاااا نشووف الطريقه …..
& استخدمت صدور الدجاج قطعتهم بشكل طولي
التقطيع حسب الرغبه ممكن نقطعهم مكعبات صغار
بتبلهم بالملح والفلفل الاسود
وبقليهم بشوي من زيت الذره عالنار عاليه بس يتحمرو وياخذو لون بشيلهم عالجنب وبنفس الزيت يلي قليت فيه الدجاج بقلي راس بصل مفروم مع رشة فلفل اسود وملح
وممكن اضافة مكعب ماجي اختياري
وبقلبهم سوا ولما بتذبل عندي البصل وياخذ لون بضيفله الكريمة اضفت كوب ونص تقريبا وبقلبهم سوا وبضيفلهم قطع الدجاج وبضع عليهم كوب من الماء وبقلبهم وبغطيهم وبتركهم عالنار واطيه لحتى يستوي الدجاج
( الدجاج لانه قطع صغيره ما باخذ وقت كثير )
واضافة الماء حسب ما بتفضلو ثقل الكريمة ممكن اضافة من كوب لكوبين ماء
& ممكن اضافة ذره وفطر للكريمة كثير طيب معها
وهيك وصفتنا البسيطه والسهله والطيبه صارت جاهزه بقدمها مع الخبز
وممكن تقديمها مع الارز ونزلت طريقتها وموجوده بملفي للي بحب يشوف طريقتها مع الارز بتكون الكريمة خفيفه ومعها صوص زياده
دمتم بكل الخير
