أقراص جوز الهند ملكة رمضان
أقراص جوز الهند ملكة رمضان
المقادير
- 3 بياض بيض
- رشة ملح
- كوب الى ربع سكر
- 3 ونص كوب جوز الهند
- معلقة صغيرة فانيلا
- معلقة صغيرة خل
الخطوات
أول شي كيفكم حبيباتي اليوم جبتلكم وصفة كوكيز جوز الهند أو أقراص جوز الهند بطريقة شهيييية جدآ وما بتفرقيها عن الجاهز بالعكس أطيب بكتييييير والواحد مننا برمضان محتاج أشياء خفيفة متل هيك وبنفس الوقت طيبة كتيييييير ان شاء الله طريقتي تعجبكم
نضع بياض البيض مع رشة الملح ومنخفقهم لحتى يصيرو متل الرغوة بعدين منحط الخل والفانيلا ومنخفق بعدين مننزل بالسكر بالتدريج لحتى انتهاء الكمية هون بصير عنا الخليط لما نرفع الخلاط الي منخ فيه بيعطيني شكل( المنقار ) بعدين منزل جوز الهند بالتدريج كوب كوب لحتى انتهاء الكمية ومنعجنهم لحتى تصير عجينة طرية وما بتلزق باليد بعدين منشكلهم ومنحطهم بصينية مدهونة بالزيت او محطوط فيها ورق الزبدة وعلى الفرن مباشرة لمدة ربع ساعة من تحت وبعدين منشغل الفرن من فوق لحتى تتحمر ( أنا هوووون قسم حمرتو كتير لإلي لأنو بحبو محمر وقسم لإبني وجوزي ما بيحبو لمحمر ) منغطيها ومنتركها تبررررد لوقت التقديم
وتقدم بالهنا والعافية
يا رب تكون عجبتكم وبتمنى تحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️♥️
