الأوزي ملكة رمضان

المقادير

• دجاج حسب الحاجة
• أرز طويل الحبة حسب الحاجة
• لحمة مفرومة سن خشن
• بازيلا
• جزر
• كاري
• عصفر
• ماجي بودرة باكيت
• راس بصل صغير

الخطوات

أول شي منسلق الدجاج سلق كامل مع المطيبات بعدين منحطو بصينية الفرن ومندهنو بالزيت الزيتون المخلوط بمعلقة كبيرة رب البندورة ومنتركو لحتى يتحمر

تاني شي منحوس راس بصل صغير مفروم ناعم مع شوية زيت قلي ومنحط فوقهم اللحمة لحتى تتذبل منحط البازيلا والجزر ورشة ملح ومنتركهم شي ربع ساعة ومنطفي الغاز

تالت شي منحوس الأرز المنقوع لمدة نص ساعة ومغسول منيح بشوية زيت قلي بعدين منزل الأرز والماجي والعصفر والكاري ومنقلهم وبعدها من غمارتهم شوربة دجاج او ماء متل ما بتحبي لحتى تنشف الشوربة عن الأرز منوطي الغاز على الأخير ومنتركو حتى يستوي

وقت التقديم نضع الأرز في السدر ثم نضع اللحمة والبازيلا والجزر منغطي وجه الأرز بعدها منحط الدجاج المحمر ومنزيينها باللوز او الكاجو المقلي والبقدونس المفروم وتقدم بالهنا والعافية

هاي هيي كانت طريقتي بعمل طبخة الأوزي يا رب تكون عجبتكم وبتمنى تحطوها بالمفضلة عندكم

أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️