مندي سهل وسريع ملكة رمضان

المقادير

• ارز بسمتي ٤ كاسات
• دجاج
• صبغه طعام
• بهارات صحيحه ومطحونه:
• ورق غار
• عيدان فرفه
• لومي
• اكليل الجبل
• بصل
• بهار المندي
• للزينه:
• لوز
• زبيب
• بقدونس
• للتدخين:
• فحمه

الخطوات

هاد اسرع طبق مندي ممكن تعمليه برمضان قبل الادان بساعه او ساعتين ههههههه حسب سرعتك بالطبيخ 😅😅😅فيكي تبلشي فيه والطعم ياااااماما شووو خرافي

هلاء اول شي بسلقي الجاج وبتحطي على الجاح كل المطيبات لانو اعتمدنا على مرقه الجاج بالبهار انا بحط عليها بصل وقرفه عيدان ولومي ووق غار واكيل الجبل وبهارات المندي وملح وفلفل اسود ورشه زيت زيتو بتغطي عليها لحتى تستوي …..

بهاد الوقت بتقعي الرز بمي دافيه مع رشه ملح وملعقه خل ابيض( اختياري ) الخل بيعطي بياض ناصع للرز ويخليه مفلفل وما بتكسر …..

بتجيبي الطنجره الي راح تطبخي فيها بتحطي فيها زيت وبتقلي اللوز اول شي وبتشيليه وبعدين بتقلي الزبيب وبتشيليه وبتحطي بهاد الزيت البهار الصحيح وبتحمصي شوي بالزيت وبتحطي بعدين الرز عليه وبتقلبيه شوي ….

وبتحطي عليه مرقه الجاج غمرتو وبتغطي عليه لحتى يستوي …..

بهاي الفتره بتحطي الفحمه على الغاز لحتى تتجمر ….

بتحضري الالوان بتحطي شويه صغيره من الالوان الي بتحبيها انا بحب اللون الاحمر والاصفر والاوراج بفنجان وبتحطي عليها شويه مي بس يستوي الرز بتضيفي هاي الالوان بس ماتحركيها وبتحفري حفره بالوسط وبتجيبي فنحان وبتحطي فيه زيت قلي وبتحطي الفحمه جواتو وبتكمريها منيح لحتى الرز ياخد نكهه التدخين ….. وهيك بكون الرز جهز …..

يتجيبي الجاج وبتعملي التتبيله الي بتحبيها الو

انا بحط بصحن ( شويه لبن مع صوص بابريكا مدخن وماسترد وشويه كاتشب وليمون وكاري ورشه فلفل اسود وسماق وملح ) بخلطهم كلهم بصحن صغير وبدهن فيه وجه الجاج وبحمرو بالفرن وفيكي تدخنيها متل ما عملنا بالرز بتطلع بتشهيييييييي ……

وصحتين وعافيه ياحلوين