حلا البرتقال المنعش سهل ولذيذ ملكة رمضان
حلا البرتقال المنعش سهل ولذيذ ملكة رمضان
المقادير
- 2 بكيت بسكوت ساده
- نص كوب حليب سائل لتغميس البسكوت
- 3 كوب حليب سائل
- 3 كوب عصير برتقال فريش
- للطبقه الثانيه :
- 4 ملاعق نشا
- 6 ملاعق سكر
- للطبقه الثالثه :
- 4 ملاعق نشا
- 4 ملاعق سكر
- معلقة فانيلا صغيره
- للتزين:
- شرائح برتقال
الخطوات
السلام عليكم ويسعد أوقاتكم بالخير
اليوم بقدملكم وصفة حلا البرتقاال منعش ولذيذ وسهل
ان شاء الله بعجبكم بعد الافطار برمضان حلا خفيف وزاكي وبأيام الصيف القادمه رائع
يلااا نشوف الطريقه ….
& الطبقه الاولى بسكوت ساده بغمسه بالحليب وبضعه بالصينيه طبقتين فوق بعض
& الطبقه الثانيه 3 كوب حليب سائل ( كل كوب ماء عليه معلقتين حليب بودره ) وبضع عليهم اربع ملاعق نشا
وست ملاعق سكر ( السكر اختياري مقداره ممكن اضافة اربع ملاعق بس انا حبيت ازيده شوي عشان الطعم يكون حلو ) وبضع الفانيلا وبحركهم سوا لحتى يذوب النشا والسكر ثم بضعهم عالنار وسط مع التحريك المستمر لحتى يغلي ويثقل الخليط بشيله عن النار وبضعه فوق طبقة البسكوت بهدوء بتركه عالجنب لحتى احضر الطبقه الثالثه
& الطبقه الثالثه بضع عصير البرتقال وعليه اربع ملاعق نشا واربع ملاعق سكر وبحركهم لحتى اذوب النشا وبضعهم عالنار وسط لحتى يغلي ويثقل الخليط بشيله عن النار وبصبه فوق الطبقه الثانيه بلطف وهدوء
& بترك الحلا لحتى يصبح بدرجة حرارة المطبخ وبعدين بدخله الثلاجه لحتى يبرد
وبعد ما يبرد تماما بقطعه وبقدمه
وصحه وعافيه
دمتم بكل الخير
