ميني بسبوسة القشطة ملكة رمضان
ميني بسبوسة القشطة ملكة رمضان
المقادير
- كاسة سميد
- كاسة جوز هند
- كاسة لبن زبادي بدرجة حرارة الغرفة
- نص كاسة حليب باودر اختياري
- ربع كاسة زيت نباتي
- ربع كاسة سمنة مذوبة بدرجة حرارة الغرفة
- بيضة كبيرة عليها نص ملعقة صغيرة فانيلا سائلة و ربع ملعقة صغيرة خل أبيض
- نص كاسة سكر
- ملعقتين صغار ممسوحة بيكنغ باودر
- رشة ملح
- رشة خفيفة بيكنغ صودا
- طحينية لدهن قالب
- للقشطة:
- تلات كاسات حليب سائل
- ملعقة كبيرة نشا
- ملعقة كبيرة سميد
- ملعقة كبيرة طحين
- تلات ملاعق كبيرة سكر
- رشة فانيلا او نقطة ماء زهر
- للتشريب:
- قطر
الخطوات
بتخلطي السميد مع الزيت و السمنة
بتضيفي له البيضة المخفوقة وباقي المكونات وبتخلطيهم سوا
بقالب كب كيك مدهون بالطحينية بتوزعي نص خليط البسبوسة بعدها القشطة وفوقه باقي الخليط
بتدخليها لفرن حامي من قبل درجة ١٨٠ من الوسط بدها ٣٠ لا ٣٥ دقيقة حسب حرارة فرنك
بس تطلعيها بتشربيها بالقطر البارد
مكونات القشطة بتخلطي الحليب مع النشا و السميد و السكر و الطحين على البارد بعدها على نار هادية مع التحريك المستمر لتغلي و تتكاثف اخر شيء يضاف القشطة ونقطة ماء زهر او رشة فانيلا بودرة حسب الرغبة
ممكن تحتاج كمان شوية نشا حسب النوعية مذوب بشوية حليب
طريقة ٢ للقشطة
بتخلطي أربع كاسات مية مع كاسة ونص حليب باودر على نار هادية
ليسخن بتضيفي له ربع كاسة خل أبيض وبتتركيه ليفصل
بتصفيه كتير منيح من المية
بتعملي مهلبية كل كاسة حليب بدها ملعقة كبيرة نشا و ملعقة سكر و بس تغلي و تتكاثف بتضيفي لها القشطة الطازجة وبتخلطيهم سوا وممكن اضافة علبة قشطة و ونقطة ماء زهر او رشة فانيلا بودرة
بالهنا والشفا يارب
