شاورما بطريقتي ملكة رمضان
شاورما بطريقتي ملكة رمضان
المقادير
- 4 قطع دجاج مسحب
- 4 ملاعق كبيرة لبن زبادي
- 2 معلقة كبيرة عصير ليمون
- 3 ملاعق كبيرة كاتشاب
- معلقة كبيرة دبس رمان
- 2 ملاعق كبيرة من الخل الأبيض
- معلقة كبيرة بهارات الشاورما
- معلقة صغيرة ثوم بودرة
- نص معلقة صغيرة هيل مطحون
- باكيت ماجي بودرة أو معلقة كبيرة ملح او حسب الرغبة
- للحشو:
- مايونيز أو مثومية
- بطاطا مقلية
- خبز تورتيلا
الخطوات
أول شي نضع اللبن والخل والكاتشاب ووالبهارات ودبس الرمان وعصير الليمون ومنخلطهم كتير منيح بعدين منكون مقطعين الدجاج قطع شرحات طويلة نضعها بالخلطة ومنغطيها ومنحطها بالتلاجة لمدة لا تقل عن 6 ساعات وازا قبل بيوم بكون أحسن وأطيب
تاني شي منكون مجهزيين مقلاة نضع زيت قلي ونضع الدجاج مع الخلطة كااااملة ومنظل نقلبهم على نار هالية حتى تجف كل الصوص الي على الدجاج ويبلشو يتحمرو لا تخليهم ينشوفو ظلك قلبي فيهم لحتى يوخدو لون أشقر حلووو ومنتركهم ع جنب لحتى يبردو
تالت شي بكون عاملة مايونيز الي هو ( نضع بيضتين مع رشة ملح و رشة ملح ليمون وكاسة كبيرة زيت ومنظل نخفققهم بالهاند بلندر لحتى يجمدو عنا )
رابع شي بجيب رغيف الخبز وبدهنو بالمايزنيز وبضع فوقهم الدجاج والبطاطا ومخلل خيار ومنلفهم وعلى الجريل منضغطهم ومنقسمهم ومنقدمهم بالهنا والعافية
ملاحظة: خبز تورتيلا نزلت طريقتو قبل فترة بتمنى من الأدمن تحط رابط وصفتي هون للي بيحب يشوفو أو يعملو
وهيك خلصت وصفتنا لليوم يا رب تكون عجبتكم وبتمنى تحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️
