كعك العيد بطريقتي ملكة رمضان
كعك العيد بطريقتي ملكة رمضان
المقادير
- 5 كاسات طحين أبيض
- كاستين سمنة أو كاسة سمنة وكاسة زيت أو كاسة سمنة وكاسة زبدة أهم شي كاستين بس مو التنتين زبدة او زيت شكلو فيهم بكون أفضل
- كاسة سكر
- 2 ملعقة كبيرة حليب ناشف
- 2 ملعقة كبيرة يانسون مطحون
- 1 معلقة صغيرة محلب مطحون
- 2 معلقة كبيرة شومر مطحون
- نص معلقة صغيرة مستكة مطحونة
- كاسة ماء
- كاسة شاي صغيرة سمسم
الخطوات
يسعد مساكم يا غاليات اليوم جبتلكم طريقة الكعك بطريقة ماما الخاصة بجووووووز تكون غرررررريبة ع الجميع ويستغربوها بس صدقآ من ألذ أنواع الكعك الي ذقتو بحياتي طريقة جدآ سهلة وشهييييييية وكعك من ألذ أنواع الكعك ان شاء الله تعجبكم وتحطوها بالمفضلة وتجربوها لأنها صدقآ تستحق التجربة
أول شي نضع في خلاط الكوكتيل السمنة والسكر والمحلب واليانسون والحليب الناشف والشومر والماء ومنخلطهم كتير منيح لحتى يتجانسو بكون حاطة الطحين والسمسم بجاط فوق بعض بدير عليهم الخليط وببلش أعجن فيهم بشكل خفيف ما منشد عليهم بالعجن يعني تلملم لحتى تصير عندي عجينة طرية وما بتلزق باليد منتركهم يرتاحو 10 دقائق فقط لاااااااا غير بعدين منباشر العمل فيهم
وطبعآ كلكم بتعرفو كيف الكعك بيتشكل وعلى الفرن مباشرة لحتى يتحمرو ومنقدمهم بالهنا والعافية
ملاااااااااحظة سبب نجاح الوصفة العيار بنفس الكااااااااسة لكل شي الى السمسم بكاسة صغيرة
والسكر حسب الرغبة ازا ما بتحبو حلو كتير خففو السكر
وهيك خلصت وصفتنا لليوم يا رب تكون عجبتكم وبتمنى تحطوها بالمفضلة عندكم وتجربووووووها ضروووووري تجربوها
أستودعكم الرحمان الذي لا تضييع ودائعه أختكم في الله أم عمرو ♥️♥️♥️
