البرياني ملكة رمضان
البرياني ملكة رمضان
المقادير
- دجاج حسب الحاجة
- أرز طويل الحبة
- معلقة كبيرة بهارات البرياني
- معلقة كبيرة كاري
- معلقة صغيرة زنجبيل مطحون
- راس بصل كبير مفروم ناعم
- ورق غار
- لومي
- عيدان قرفة
- 2 معلقة كبيرة لبن زبادي
- 3 ملاعق كبيرة رب البندورة
- حبة بطاطا كبيرة مقطعة مكعبات
- ملح حسب الرغبة
الخطوات
أول شي نضع الزيت بطنجرة ونضع بها البصل المفروم ومنقلبهم ثم نضع ورق غار ولومي وعودين قرفة ومنقلبهم بعدين منحط الكاري وبهار المندي والزنجبيل والدجاج ومنظل نقلب فيهم لحتى يتنكه الدجاج في الخلطة بعدين منحط ماء ساخن تقريبآ كاستين كبار ومنغطيهم لحتى يستو نص استواء منفتح الطنجرة ومنحط الزبادي ورب البندورة والبطاطا ومنقلبهم ومنتركهم يستوو منيح ويتسبكو مع بعض
تاني شي مننقع الأرز لمدة ربع ساعة ومنغسلو كتير منيح بعدين منحط بطنجرة ماء ومعلقة كبيرة زيت قلي ولومي وقرفة أعواد وملح ومنتركهم يغلو بعدين منحط الأرز ومنتركو يستوي تلت أرباع الإستواء بعدين منصفي ومنتركو ع جنب
تالت شي منحط بطنجرة نص كاسة صغيرة ماء ومن نص كمية الأرز ومنحط فوقهم الدجاج مع الخلطة وبعدها منرجع نحط الكمية التانية من الأرز وبحط زعفران منقوع بالماء على الوجه ومنغطيهم وعلى أقل درجة نار على الغاز لمدة نص ساعة
منديرهم بالسدر ومنقدمهم ومنقدم جنبهم الدقوس الحار واللبن وبالهنا والعافية يا رب
وهيك بتكون خلصت طبختنا لليوم يا رب تكون عجبتكم وبتمنى تحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️
