معمول سميد
معمول سميد
المقادير
- ٣ كوب سميد فرخه
- كوب سمنه أو زبده
- نص كوب طحين
- ملعقتين حليب باودر
- ثلثين كوب ماء
- ملعقتين ماء زهر
- نص ملعقه صغيره خميره
- م ك محلب
- م ص مستكه
- ٢.م. ك دقة الكعك وهي عباره عن يانسون وشومر
- ٢. م ك سكر
الخطوات
نضيف السمنه ع السميد طبعا بتكون بدرجه حرارة الغرفه ونبدأ انبس السميد بطريق البس بطرف الأصابع لحتى يتشرب السمنه ونتركهم يوم أو يومين أقلها ست ساعات وأكثرها ثلاث ايام تاني يوم أو بعده بنضيف الطحين ومحلب والمستكه طبعا المستكه بنطحنها مع معلقة سكر ودقت الكعك والحليب الباودر وملعقة ماء الزهر والسكر بعدها بنضيف الخميره ع المي وبنضيف المي بالتدريج ونبلش انجمع العجينه تجميع وليس عجن لأنه العجن بخليها تقسى وتركها ترتاح نص ساعه وبعدين بشكلها بكون الفرن محمي ع درجة حراره ١٨٠ أو ٢٠٠ بنخبزها بالاول من فوق لحتي ما يتغير شكل النقشه بس يتغير لونها بنزلها من تحت لحتى يحمر من الأسفل
الحشوات
حشوة التمر
باكيت تمر مع ملعقتين سمنه وملعقة قرفه وم ص دقة الكعك
حشوة الجوز
كوب جوز مفروم مع ملعقتين قطر وملعقة قرفه
حشوة الفستق الحلبي
كوب فستق مع ملعقتين قطر وملعقه ماء الزهر
