اكلات خفيفه وسريعه والطعم رووووعه
بتحبو النواشف متلي صبايا معكم صديقة زاكي Suzan Tahhan
اكلات خفيفه وسريعه والطعم رووووعه والشكل انتو الحكم
معكرونه باللبن
كبة البطاطا المقليه
قوارب كبة البرغل
يمييييييييي ?????
بناء على طلبكم صبايا رح انزلكم طريقه المعكرونه باللبن وطريقة كبة القوارب اما طريقة كبة البطاطا المقليه رح انزلها ببوست مستقل وايضا كبة البطاطا بالصينيه وعد ان شاء الله بس خلوني اشوف لايكاتكم واعجاباتكم اكيد كلكم زوء لما تشوفوا الوصفه رح تعبروا عن تقديركم لشغلي بعمل لايك او اعجاب ???
طريقة عمل كبة القوارب
عجينة كبة عاديه عادة لما اعمل الكبه المقليه بعمل كميه اكبر وباخد منها لكبة القوارب وممكن اعملها خصيصا واحطها طبخات بالفريزر تكون جاهزه عند الاستخدام مجرد ما يفك عنها التلج بعجنها وبشكلها بايدي على شكل قوارب
نرجع لمقادير عجينة الكبه
كيلو برغل احمر ناعم مغسول ومصفى من الماء اتركيه نصف ساعه حتى يطرى
نصف كيلو لحمه هبره مفرومه على ماكينة اللحمه مع بصله مرتين حتى تصير متل المعجون
تضاف اللحمه عالبرغل مع ملعقة صغيره ملح ملعقة بهارات مشكله وملعقة قرفه اخلطي المواد ودوريها بالماكنه مرتين ايضا Suzan Tahhan
ممكن اضافة رشه خفيفه من الماء عند اللزوم
هيك صارت العجينه جاهزه
شكلي العجينه بيدك على شكل قارب او كاس صغير حسب رغبتك
اقلي قوارب الكبه بزيت عميق ودعيها تتصفى على ورق المطبخ
خلال هالفتره جهزي الحشوه وهي بسيطه جدا لكن نكهتها روعه
جبنه كريمي بدرجة حرارة الغرفه
بالشوكه اخفقيها وصيفي عليها كميه مساويه الها تقريبا او اقل من اللبن اخلطي حتى تحصلي على مزيج ثقيل نوعا ما
بالملعقه احشي الحبات وزينيها بالبقدونس
معكرونه باللبن
اكله خفيفه نص ساعه بتجهز وسهلة التحضير وبتتقدم بارده لزيزه بفصل الصيف
المقادير. Suzan Tahhan
٥٠٠ غرام معكرونه او سباغيتي او اي شكل بتفضليه
كيلو ونصف لبن زبادي ( روب )
كالمعتاد بسلق السباغيتي بالمي والملح خلال هالفتره بقلب قطع الدجاج بزيت الزيتون بكون تبلته بالملح والبهارات ورشة توم بودره وملعقتين خل والقليل من الصويا صوص وعنار عاليه بقلب الدجاج لحتى يتحمر وياخد لون احيانا بعملها بلحم مقلى بزيت زيتون مع رشة ملح وبهارات فقط بدون اضافة البصله حتى ما تصير نكهة اللحم متل الطبيخ الهدف انه تظهر نكهة اللحمه والبهارات
فقط
اللبن بضيف عليه سن توم مهروس مع نعنع اخضر مفروم ناعم وطبعا ملح وعصرة ليمون وبخلطه مع المعكرونه وبصحن التقديم بحط الدجاج عالوجه وبزينه بالبقدونس والمكسرات
تحب تشاهد وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي