فسيخ سمك مملح
فسيخ سمك مملح
المقادير
- كيلو فسيخ
- ٤ حبات بندورة حمرا
- راسين بصل
- ٦ قرون فلفل اخصر حار
- راس توم
- عصير ليمون
- زيت زيتون للقلي
الخطوات
مساء الخير لاحلى جروب
احنا عادة بنعمل فسيخ بالعيد بنفطر عليه هذه عادات فلسطينية قديمة
طريقتي بالفسيخ اللي بعملها كل سنة بالعيد ولازم اعمل خبز طازج مع الفسيخ وكل عام وانتم بخير
الفسيخ طبعا معروف عند الفلسطينية خصوصا
بنضفه وبغسله وبقطعه كل فسيخة قطعتين وبنقعه بالمي حوالي 6 ساعات حتى يخف الملح .
بعدين بصفيه من المي وبلفه بطحين وبقليه .
اول ردة بقليها بعد ما اشيلها من الزيت بحط زيتها بطنجرة وبقلب 3 حبات بصل مفرومة ناعمة ولما يذبل بضيفله كم حبة بندورة حمرا ومقشرة ومقطعة ومعلقة رب البندورة وبتطلع بتشهي
الردة الثانية بعد ما اقليها واشيلها من الزيت بقلي بزيتها تومة شرايح وفلفل مقطع .وبحطهم فوق الفسيخ وبعصر عليهم ليمون
وصحة وهنا
والخبز معروف
طحين وخميرة ومعلقة سكر وفنجان زيت ذرة ورشة ملح وبنعجنهم بمي دافية وبتركهم يختمروا وبقطعم وبرقهم وبتركهم يرتاحوا
وبخبزهم ع نار عالية
وصحة وهنا
#فسيخ ام نضال
