هريسة نبكية شهية ولذيذة
هريسة نبكية شهية ولذيذة
المقادير
- ٣ كاسات كبار سميد وسط = ٦٠٠ غ
- كاسة كبيرة سكر حبيبات =٢٠٠غ
- نصف كاسة كبيرة سمنة حيواني ذائبة
- نصف ملعقة صغيرة بيكربونات الصودا
- كاسة فستق حلبي غير محمص منقوع بالماء ١٠ دقائق
- كاستين كبار ماء= ٥٠٠مل
- لدهن الصينية:
- ٣ ملاعق طعام كبيرة طحينة سائلة
- القطر اوالشيرة:
- ٣كاسات كبيرة سكر
- كاستين ماء
- نضيف ملعقة كبيرة عصير ليمون
- ملعقة كبيرة سمنة
الخطوات
نضع السميد والسكر ونخلطهم ثم نضيف ربع الكأس سمنة ذائبة ونفركهم ليصيرو متل الرمل ونضيف بيكربونات الصودا ونفركهم جيدا ونضيف كاستين ماء ونحركهم ليمتزجو ونغطيهم بنايلون غذائي ونضعهم بالثلاجة مدة ١٢ساعة ثم نخرجها ونضعها
بالصينية المدهونة ونبل ايدنا ونفردها جيدا وندهن وجه السميد بملعقة سمنة ذائبة و نرش عليها الفستق مع الضغط البسيط عليه بيدنا وندهن وجه الفستق بقليل من السمنة الذائبة وندخلها ع الفرن المحمى مسبقا ع حرارة ٢٠٠ من تحت ونضع الصينية باسفل الفرن لتحمر حوافها من ١٠ إلى ١٥ دقيقة مو اكثر ثم نخرجها و وندهن باقي السمنة الذائبة ع الفستق ونقطعها ثم ندخلها الفرن ونحمرها من فوق لتاخد لون ونخرجها
طريقة القطر اوالشيرة نضع ٣كاسات كبيرة سكر وكاستين ماء ع النارليغلي نضيف ملعقة كبيرة عصير ليمون وملعقة كبيرة سمنة ونتركهم ١٠ دقائق ونسكبهم وهم عم يغلو مباشرة ع الهريسة وهي سخنة
ونسكب القطر المغلي مباشرة عليها ونتركها ساعتين لتبرد تماما ونقدمها والف صحة وهنا
هريسة نبكية نسرين بارافي
