المكمورة الأردنية ملكة رمضان
المكمورة الأردنية ملكة رمضان
المقادير
- 4 دجاجات حجم كبير (مقطع الى 8 قطع كل دجاجة )
- 6 كيلو بصل مقطع مربعات
- كاسة كبيرة سمسم
- كاسة كبيرة قزحة
- 3 كيلو طحين أبيض وكيلو طحين قمح
- ملح حسب الرغبة
- زيت زيتون 3 كاسات كبار
- سماق
- فلفل أسود مطحون
- ورق غار
- هيل حب
- لومي
الخطوات
أول شي نقطع البصل مكعبات صغيرة ونضع عليهم الزيت ومنظل نقلب فيهم لحتى يتذبلو منحط فلفل أسود وسماق وملح ومنتركهم حتى الاستواء والزيت بيكون غامرهم
تاني شي منسلق الدجاج مع المطيبات لحتى يستوي نص استواء بعدين منحط الدجاج فوق البصل ومنقلبه ومنطفي عليه
تالت شي منعجن الطحين مع السمسم والقزحة والملح ومنعجنهم بالماء لحتى تصير عندك عجينة تتكور
بعدين منقطع العجين لكرات بعدين منبلش نرق فيهم بزيت الزيتون لحتى تصبح عجينة رقيقة ومنفردها بالصينية ومنرق قطعة تانية من العجين بعدين منحطها فوق الطبقة الأولى بعدين نضع طبقة من البصل و3 او 4 قطع دجاج بعدين منرجع نرق قطعة تانية من العجين ومنحطها فوق الدجاج وهييييييك حتى نعمل 13 طبقة او حسب الرغبة بعدين الطبقة الأخيرة منكون حاطين طبقتين من العجين متل اول طبقة من تحت ومندهنها بزيت الزيتون ومنقصدرها وعلى الفرن مباشرة لمدة 3 ساعات
لما تجهز منقلبها ومنقطعها ومنقدمها( الطبقة الأولى من تحت لما تنقلب بتكوووون ناشفة وقاسية منشيلها ومنقدمها )
وتلذذي بالمكمورة الأردنية الأصيلة
وهيك خلصت وصفتنا لليوم يا رب تكون عجبتكم وبتمنى تحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️
