قرع محشي أنثى
قرع محشي أنثى
المقادير
- قرع الحجم المناسب الكم
- لحمة مفرومة
- ثوم مفروم
- أرز بسمتي
- بازيلاء
- جزر
- ذرة ملح
- زيت قلي
- بهارات مشكلة
الخطوات
بسم الله الرحمن الرحيم
اول شي بغسل القرعه وبنشفها وبعدين بعمل فتحة إلها من فوق تكون مثل الغطا
ثم نظفتها من الداخل ونزعت البذور والخيوط عنها ورشيتها بالقليل من الملح وقلبتها على الفتحه حتى تصفي من المي بهاد الوقت انا عملت الأرز
قليت اللحمة المفرومة مع الثوم والجزر والبازيلاء والذرة وبعد ربع ساعه ضفت الأرز والملح والبهار والمي الكمية المناسبة لاستواء الأرز
هلأ حضرت القصدير يلي يناسب القرع بحجمو وما يكون في خدوش من الأسفل حتى ما يسرب مي للخارج ويحترق حطيت القرعه فوق القصدير وحشيتها بالارز المطبوخ وغطيتها بغطاء القرع ودهنت القرعه من برا بزيت قلي حتى تضل طرية وما تنشف ولفيتها بالقصدير وحطيتها بصينية وعلى الفرن ساعتين ونص من تحت ونص ساعه من فوق
بعد ما صارت جاهزة نقلتها على صينية التقديم وقطعتها وزينتها باللوز بتتقدم مع سلطة او خيار بلبن مثل ما بتحبو
وان شاء الله تعجبكم وتجربوها
استودعتكم الله ♥️
