كيكة الديسابسيتو ملكة المطبخ
كيكة الديسابسيتو ملكة المطبخ
المقادير
- الخطوة الأولى لعمل الكيكة:
- 4 بيضات
- كوب الى ربع سكر
- 1 معلقة كبيرة خل
- ربع كوب زيت قلي
- معلقة كبيرة فانيلا
- معلقة كبيرة بيكنغ باودر
- 2 كوب طحين أبيض
- نص كوب كاكاو باودر
- الخطوة التانية لتسقاية الكيك:
- كوب ماء
- معلقة كبيرة نسكافيه
- معلقة كبيرة سكر
- الخطوة التالتة لعمل الصوص:
- كوب ونص حليب سائل مغلي
- 4 ملاعق كبيرة كاكاو
- 4 ملاعق كبيرة شوكولا مبشورة
- معلقة كبيرة زيت قلي
- الخطوة الرابعة لعمل الكريمة:
- كاسة الى ربع حليب بارد جدآ
- كاسة كريمة ناشفة
الخطوات
أول شي لعمل الكيكة نضع البيض والفانيلا والسكر والخل والزيت ونخفقهم جيدآ ثم نضع الطحين والكاكاو والبيكنغ باودر وننخلهم منيح بعدين منصير نزلهم بالتدريج على المواد السائلة ولما يجمد الخليط منزل حليب سائل بالتدريج على حسب ما يصبح عندك خليط الكيك لا جامد ولا سائل ثم ندهن صينية البايركس بالزيت والطحين ومنديرهم وعلى الفرن مباشرة لمدة ١٥ الى ٢٠ دقيقة وعند خروجه من الفرن بعد الاستواء نثقب الكيكة ونسيقها بخليط التسقاية ( الماء مع النسكافيه والسكر ) ومنتركها جانبآ حتى تبرد تمامآ
تاني شي نضع على الغاز الحليب المغلي مع الشوكولا والكاكاو والزيت ومنظل نحركهم لحتى يغلو منطفي الغاز ومنظل نحرك لحتى يخرج البخار منها وتفتر منشيل منها مقدار صغير للتزيين الوجه والباقي رح نحتاجه بالخطوة التالتة ومنحطهم بالتلاجة لحتى تبرد
تالت شي نخفق الكريمة والحليب البارد ولما تسمك نضع خليط الشوكولا الي بالتلاجة ومنترك الي لتززين لأخر شي ومنظل نخفق لحتى تندمج للمكونات مع بعض
نضع الكريمة المخفوقة مع صوص الشوكولا فوق الكيك ونزينها بصوص الشوكولا على الوجه ومنعملها خطوط مرتبة وتترك بالثلاجة لمدة 4 ساعات
وتقطع وتقدم بالهنا والعافية
هاي الكمية عملت عندي صينية البايركس الحجم الكبير والوسط ( أو حسب حجم الصواني )
وهيك خلصت وصفتنا لليوم يا رب تكون عجبتكم وبتمنى تحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️
