المفتقة أكلة لبنانية شعبية

المقادير

• 2 كاسة رز مصري
• 2 علبة طحينية كبار ونص
• 3 ملاعق كبار ((عقدا صفرا)) الكركم
• 2 كاس كبار سكر
• 12 كاسة مي

الخطوات

اول شي بنغسل الأرز وبنقعو لمدة ساعة.

وبعدها بسلق الأرز مع ال12كاسة مي والعقدا الصفرة وهي الكركم وبضل حرك فيهم لحتى ما يلزق بالقاع وبضل احرك لحتى يذوب الأرز وبس يذوب الأرز وتنشف ميتها بضيف الطحينية كلها وبنحركهم لحتى يختلطو مع بعض مية بالمية ولازم تكون النار متوسطة وما بنتركها ابدا حتى ما تحترق هاي الوصفة بدها تحريك اقل شي ساعتين ونص إلى 3 فيكي تخلي زوجك أو إبنك بنتك اخوكي يساعدوكي لأنها بتتطلب مجهود كتييير

بعد ساعه من التحريك بضيف السكر اخر شي وبزيد من التحريك لحتى يبلش يظهر زيت السيرج فيها بتكون صارت جاهزة

بنسكبها بصحون وبنفردها وبنزينها بالصنوبر

انا اخدت معي 3ساعات تحريك طبعاً كان عندي مساعدة بالتحريك بس طعمها كتييير طيب وبنصحكم تجربوها مفيدة جداً

وان شاء الله تعجبكم وتحبوها

دمتم بخير ان شاء الله

((ام علي حبيبتي ربي يفرج همك وييسر أمرك ويرزقك الذرية الصالحة يارب العالمين))

استودعتكم الله ♥️