وصفات للتنحيف 3 حمية غذائية ملكة المطبخ
وصفات للتنحيف 3 حمية غذائية ملكة المطبخ
المقادير
- السلام عليكم ورحمة الله وبركاته كيفكم أخواتي جميعآ دون استثناء اليوم جبتلكم الحمية الغذائية الي كنت ماشية عليها ونحفت ما ياقرب 15 كيلو بس أهم شي ما بدنا نيأس ولاااااااازم نستمر ونجتهد ع شان نوصل لمبتغانا ان شاء الله وخلينا نبلش بالحمية الي انا عملتها لحالي ما رحت على دكتور ولا شي بس الحاجة أم الإختراع
الخطوات
طريقتنا او حميتنا مش معقدة نهاااااااائيآ والى موجود عندك حتاخدي بس أهم شي عدم الافراط في الأكل وشرب الماء بكمية كبيرة والرياضة ثم الرياضة ثم الرياضة واذا ما بدك رياضة المشي كتييييييير منيح نمشي كل يوم لو في البيت لمدة ساعة
بسم الله وعلى بركة الله نبدأ
أول شي الإفطار **** منفطر على نص رغيف خبز آلي مع ( معلقتين كبار لبنة ومعلقة صغيرة زيت زيتون على اللبنة أو معلقتين كبار فول مدمس أو معلقة كبيرة مربى فراولة ومعلقة زبدة أو بيضتين مسلوقات مع حبة خيار أو زيت وزعتر أو معلقتين كبار حمص وقرص فلافل ) إلك حررررررية الخيار أختي بتوخدي نص رغيف آلي مع أي خيار انتي بتحبي وكل يوم بتوخدي شي شكل لا تخلي جسمك يتعود على شي معين ع شان ما تملي
وجبة السناك *** هاي الوجبة منوخدها بعد الإفطار بثلاث ساعات والي هيي عبارة عن قطعة فواكة أي نوع انتي بتفضلي أو كاسة شنينة او نص كوب لبن رايب او 5 حبات لوز غير مملح والك حرية الخيار
تاني شي الغدا **** عبارة عن كوب أرز مع نص كوب من الطبيخ الي انتي عامليتو ( فاصوليا خضرا / فاصوليا بيضا / بامية / شوربة خضار / ملوخية / منسف ) وإلك حرية الخيار وبتوخدي جنبو طبق سلطة أو لبن حسب أكلك شو نوعو او شو بحتاج ( طبعآ بدنا نبعد كليآ عن المقاااااالي ) كل شي نشوي شوي او سلق وهون طبعآ الك تاكلي قطعة السفينة من الدجاج أوقطعة لحمة بحجم البيضة
وجبة السناك *** بعد الأكل بثلاث ساعات قطعة فواكة
وجبة العشاء **** دائمآ عشانا يكون 5 معالق كبار لبن رايب وعليهم عصرة ليموووون فقط لا غير هاد العشاء دااااائم
وبعد وجبة العشاء ما في سناكات خلص بتكون أخر وجبة
هسا مووووعد الوجبات حيكون الإفطار معك من الساعة 9 ~ 11
الغداء حيكون من الساعة 3 ~ 6
العشاء حيكون الساعة 10 بالليل
وهساااا مسموح تشربي قهوة او شاي بدووووون سكر بأي وقت بدك ايا
ومسموح تشررربي وصفات التنحيف الي بعتتهم قبل فترة بتمنى من الأدمن تحط رابط وصفاتي هون للي بيحب يشوفوهم بأي وقت بدك ايا الوصفة الحارقة لا تتعدى 3 مرات باليوم
وإلى بتحب تسأل أي سؤال انا جاااااهزة
وهيك بتكون خلصت حميتنا وبتمنى أكون أفدتكم لو بالبسيط والله امشو عليها منيح رح تستفيدو كتير بإذن الله
وبتمنى تحطوها بالمفضلة عندكم أستودعكم الرحمان الذي لا تضييع ودائعه أختكم في الله أم عمرو ♥️♥️♥️
