تحليه بسيطه وسهله ليالي لبنان روعه

المقادير

• 1 كوب سميد
• 2 ملعقة سكر
• 2 ملعقة نشا
• 5 اكواب حليب سائل كل كوب ماء عليه معلقتين حليب بودره
• معلقة فانيلا
• 3 باكيت قشطه
• للتقديم :
• قطر بارد
• فستق حلبي اختياري

الخطوات

السلام عليكم ويسعد أوقاتكم بكل خير

بقدملكم اليوم وصفة حلااا ليالي لبنان حلا سهل وبسيط ولذيذ جدا

ان شاء الله بعجبكم

يلااا نشوف الطريقه …..

& بضع السميد والسكر والنشا وبخلطهم سوا عالناشف

من ثم بضع عليهم الحليب بودره وعليهم الماء وبخلطهم سوا وبضعهم عالنار وسط مع التحريك المستمر لحتى يثقل الخليط ويصير يطلع فقاعات بضعله معلقة فانيلا

وبحركهم سوا وبرفعهم عن النار وبضعهم ببايركس وبفردها وبتركها تبرد بدرجة حرارة المطبخ بعد ما تبرد بضيفلها القشطه وبفردها عليها بشكل متساوي وبدخلها الثلاجه اقل شيئ ثلاث ساعات وتقدم مع اضافة القطر البارد من بعد التقطيع وتزين بالفستق الحلبي

ملاحظات :

ممكن استخدام الحليب السائل الجاهز

ممكن أضافة ماء الزهر او ماء الورد كنكهه معلقتين عند الغليان

ممكن نزيد القشطه او نقلل منها حسب ما بتحبوو

انا استخدمت 3 بكيت من القشطه وممكن 2 بكيت حسب ما بتفضلو

حجم البايركس حسب ما بتحبو سُمك الحلا

اذا بتحبو القطعه سميكه بنضعه ببايركس اصغر واذا رفيعه بنضعه ببايركس اكبر

يلي استخدمته حجم كبير

ممكن استبدال القطر بالعسل

اضافة القطر بتكون بعد التقطيع وعند التقديم عالكل قطعه اضافة القطر حسب الرغبه

ان شاء الله بتعجبكم سهل وزاكي

دمتم بكل الخير

اخر صوره بالصور من تصويري المتواضع هههه

اعطوني رأيكم