صينيه باميه ملكة المطبخ

المقادير

• باميا
• لحمه عجل مكعبات
• ملح
• كزبره ناشفه
• فلفل
• بهارات مشكله
• هيل
• قرفه
• معلقتين صلصة
• زيت زيتون
• ثوم
• بندوره

الخطوات

بسم الله نبدأ

بنقلي الباميه نص قليه

بنسلق اللحمه نصف سلقه لمده ربع ساعه بس تغلي المي بنشيل الزفره وبنحطلها حبات هيل

بنقشر ٦ حبات بندوره وبنفرمها فرم صغير

وعالغاز بحط اربع فصوص ثوم مهروسن بقلبهم بزيت زيتون وبضيفلهم البندوره والبهارات المشكله والفلفل والكزبره واللحمه المسلوقه بتركهم يتسبكو شوي وبحطهم بالصينيه وبضيفلهم الباميه بقلبهم قلبتين مو كثير عشان الباميه ما تنهرس

بنوهذ من مرقه اللحمه وبحطلها ملح وفلفل اسود ورشه هيل وقرفه ومعلقتين صلصل وبضيفهم عالصينيه

وبحطها بالفرن نصف ساعه وقبل التحمير بعمللها طشه ثوم وبقلبها وبعدها بحمرها

ملاحظات….

# بامكانك استخدم كميه اكثر او اقل من البندوره وهالشي برجع الك

#انا استخدمت زيت زيتون عشان يكون الاكل صحي

بامكانك تستخدمي زيت نباتي وايضا الارز مطبوخ بزيت ويتون