كرات الرافايلو ملكة المطبخ

المقادير

• شوكولاته خام بيضا
• حليب مكثف
• جوز هند
• لوز للحشوه (اختياري)

الخطوات

اول شي بندوب الشوكولاته بحمام مائي ،تاني شي بنجيب هالجوزات وبنحطهم بجاط وبنحط عليهم الحليب المكثف وبنخلطهم سوا

وبصحن تاني بنحط جوز هند للتغطية ، هلأ بنصير نكور الجوز اللي بالحليب ونحط بقلبه حبة لوز وبنكوره منيح وبنغطسه بالشوكولاته بعدين بالجوووز وهيييييك ل تخلص الكميه

طبعا النوع التاني حكيت بدي اجرب لو حطيت بالشوكولاته البيضا معلقه كاكاو رح تزبط لما لأ وجربت وطلع طعمها بجنننننننن اكتر من رائع

ف جبت فستق حلبي وطحنته ناعم وحطيت نصه بالخلطه اللي زادت معي اللي هيه الجوز بالحليب المكثف وخلطهم سوا يعني صارو جوز هند مع حليب مكثف وفستق حلبي

والنص التاني خليته للتغطيه

وصرت اعملهم متل حبات الباونتي وغطسهم بالشوكولاته وغطيهم بالفستق الحلبي طبعا طلعو كم حبه بس للتجربه

بس للامانه طلعووووو اطيب من الرافايلو طعمهم بالشوكولاته كتييييييييييير طيب وطعم الكاكاو كتيييير طلع طيب في الشوكولاته البيضا

وبس وهيك خلصت وصفتنا

وبالعافيه والهنا عليكم