مسقعة باذنجان بسيطة و شهية
مسقعة باذنجان بسيطة و شهية
المقادير
- حبة بصل متوسطة مفرومة ناعم
- ٤ حبات بندورة مفرومة وسط
- حبة باذنجان مقطعة شرايح للقلي
- ربع كوب حمص حب مسلوق (حسب الرغبة)
- ملح
- فلفل اسود
- بهارات حسب الرغبة
- ممكن تضيفي ملعقتين رب البندورة مدوبين بنص كوب مي
- سن ثوم مبشور …اذا كبير نص بكفي
- ٢٠٠ غم لحمة مفرومة ناعم حسب الرغبة
الخطوات
بنذبل البصلة عالنار وبعدين اللحمة المفرومة لحتى تتنشف ،،،بعدين بنضيف البندورة المفرومةع نار وسط مع التحريك كل شوي وبعدين الحمص الحب وسن الثوم المبشور ،،،ونضيف الملح والفلفل والبهارات بيصير عنا قلاية بندورة بلحمة،،،
انا هون عملتها بدون لحمة ،،،
في هاي الأثناء بنقلي شرايح الباذنجان لحتى يحمروا
وبنحطهم ع جنب
وبالأخير بنحط الباذنجان على القلاية مع صلصة البندورة اللي جهزناها ع نار هاااادية يتسبكوا ويفضل نكون مزبطين البهارات حتى ما نضطر نحرك الخليط لانه ما بدنا الباذنجان يتخلط ويذوب ،،،بدنا يضل مبين
وهيك بتكون جاهزة
وصحتين وعافية
