كيكة الباونتي ملكة المطبخ
كيكة الباونتي ملكة المطبخ
المقادير
- الطبقة الأولى:
- ٢ بيضة
- معلقة صغيرة فانيلا
- معلقة صغيرة خل
- نص كاسة سكر
- نص كاسة ماء دافئ
- ربع كاسة زيت قلي
- كاسة طحين
- نص كاسة كاكاو
- معلقة صغيرة بيكنغ باودر
- الطبقة التانية:
- ٢ كوب حليب سائل
- ٢ كوب جوز الهند
- نص كوب سكر
- نص كوب سميد وسط
- معلقة صغيرة فانيلا
- الطبقة التالتة:
- ٢ كوب حليب سائل
- باكيت كريم كراميل مع العسل تبعه
- ٣ ملاعق كبيرة سكر
- ٣ ملاعق كبيرة كاكاو
- ٣ ملاعق كبيرة نشا
الخطوات
لعمل الطبقة الأولى *** نضع البيض والفانيلا والسكر والخل والزيت والماء ومنخلطهم كتير منيح بعدين منزل الطحين والكاكاو والبيكنغ باودر وننخلهم منيح بعدين منصير نزلهم بالتدريج ومنحرك حتى انتهاء الكمية ومنديرهم بصينية مدهونة بالزيت والطحين وعلى الفرن مباشرة لمدة نص ساعة أو ٢٥ دقيقة حسب الفرن بعدين منطلعها منتركها على جنب
لعمل الطبقة التانية *** نضع الحليب وجوز الهند والسكر والفانيلا والسميد ومنخلطهم منيح وعلى الغاز لحتى يبلشو يتشربو الحليب الي عليهم منوطي الغاز للنص ومنتركهم دقيقتين وبعدين منشيلهم عن الغاز ومنتركهم يبردو كتير منيح بدرجة حرارة الغرفة بعدين منديرهم فوق طبقة الكيك
لعمل الطبقة التالتة *** نضع الحليب والكريم كراميل والصوص تبعه والسكر والكاكاو والنشا ومنحركهم على البارد بعدين على الغاز لحتى يجمدو ويثقل القوام منطغي عليهم ومنديرهم وهمي سخنين على طبقة جوز الهند بعدين منتركهم يبردو بدرجة حرارة الغرفة بعدين منحطها بالتلاجة أقل شي ٤ ساعات
ثم نزيينها بحسب الرغبة انا زينتها بجوز الهند
وتقطع وتقدم بالهنا والعافية وهيك خلصت وصفتنا لليوم يا رب تكون عجبتكم وبتمنى تحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️
