كعك بتمر ملكة الطبخ
كعك بتمر ملكة الطبخ
المقادير
- ٦ اكواب ونص طحين
- ٢ كوب زبدة
- ١ كوب سمنة
- ١ كوب قشطة
- ١ كوب سكر مطحون
- نص كوب حليب بودرة
- ملعقة صغيرة مستكة
- ملعقة صغيرة محلب
- ربع ملعقة صغيرة خميرة
- نص ملعقة صغيرة بيكينغ باودر
- تمر مطحون
- بنضيف على التمر:
- ملعقة كبيرة سمنة او زبدة
- ملعقة كبيرة دقة الكعك
- ملعقة صغيرة قرفة
- رشة هيل مطحون
- يانسون مطحون
الخطوات
طبعا يا حلوين النظام حلو بالمطبخ مشان هيك بتجهزو المقادير كلها قدامكم عشان ما تنسو اشي
بنحط الزبدة والسمنة الي بيكونو على حرارة الغرفة وبنضربهم بالمضرب الكهربائي
لحتى يصيرو متل التلج الخفيف
وبعدين بنضيف القشطة وطبعا كل هاي المقادير لازم نخلطها بالمضرب الكهربائي وبعدين السكر المطحون الي ضايفين عليه معلقة المستكة وبعدين الحليب والخميرة والبيكينغ باودر والمحلب المطحون بنخلطهم منيح لحتى يتجانسوا
ولهون بيكون خلص دور المضرب الكهربائي
بنضيف الطحين فوق المقادير وبنبلش نحركها بالاصابع بس لم مش عجن لغاية ما تختلط عندك عجينة ناعمة
بنحطها شوي بالتلاجة عبل ما نجهز التمر
بنضيف على التمر المقادير الي كتبتلكم اياهم فوق يا حلوين وبنشكلو طابات صغار
وبنطلع العجينة من التلاجة وبنبلش نشتغل فيها انا عملتها طابة وبالقلم شكلتها متل الكعك
وياريتو الف صحة وهنا يا قلبي
ان شاء الله بتعجبكم الوصفة وبتجربوها وبتدعولي انا وام عبدالله الحلوة
