عجة الزهرة
عجة الزهرة
المقادير
- ٣ كاسات طحين تقريبا
- راس زهرة مقطع ومسلوق مع نص م ص كمون مطحون
- بصلة متوسطة مفرومة ناعم او مطحونة عالمحضرة
- نص ضمة بقدونس مفرومة ناعم
- ٣ بيضات
- ملح وفلفل أسود حسب الرغبة
- نعنع يابس حسب الرغبة
- م ص بكنج باودر
- ربع م ص كربونة او اقل على راس الملعقة
الخطوات
في وعاء نخفق البيض ثم نضيف البصل والبقدونس والملح والفلفل والبكنج باودر والكربونة ونخلط ثم نضيف الطحين ونحرك تدريجيا حتى نحصل على خليط متل خليط الكيك مش تقيل كتير
بنجيب الزهرة المقطعة وبنسقطها عالخليط وبنقلب تقليب خفيف ما بدنا تذوب الزهرة ،انا بحب تضل ظاهرة
ع لغاز بنحمي الزيت كتير وبمغرفة بنصير ناخد ونحط بالزيت بنخليه ينزلق ببطء وبالراحة وحاولي ما تخلي اشي بالمغرفة كله ينزل مرة وحدة وما تحركي ايدك وانتي بتنزليها جوا الزيت وممكن تضغطي عليها شوي حتى تفرديها
حمري الوجه الاول وبعدين اقلبي عالوجه التاني ليتحمر وشيليها وكملي الباقي
وصحة وعافية ❤❤
