البوظة العربية بطريقتي
البوظة العربية بطريقتي
المقادير
- 4 أكواب ماء بارد جدآ جدآ
- كوب ونص كريمة بودرة
- كوب ونص حليب بودرة
- علبة قشطة
- معلقة كبيرة هيل مطحون
- معلقة كبيرة فانيلا
- معلقة كبيرة بودرة سحلب
- معلقة كبيرة ماء الورد
- معلقة صغيرة ممسوحة مسح مسكتة مطحونة
- نص كوب سكر
- فستق حلبي
الخطوات
أول شي نضع الحليب والماء البارد والكريمة والهيل والسكر والفانيلا وماء الورد والقشطة وبودرة السحلب والمستكة ومنظل نحفق فيهم ( يا بخفاق الكهربا أو بخلاط الكوكتيل ) لمدة 5 دقائق بعدين منديرهن بعلبة محكمة الإغلاق وعلى الفريزر لمدة لا تقل عن 6 ساعات وكل ساعتين لازم نطولها ونحركها مزبوط وازا بتحبو لما طلوها كل مرة رشو رشة وفيرة من الفستق الحلبي واخلطيهم
وهيك بتكون خلصت البوظة العربية ( بس انا هون حبيت غير النكهة الأصلية تبعت البوظة العربية حبيت أنكها قسمتها 3 أقسام قسم عربية أصلية وقسم حطيت عليها معلقتين كاكاو ومعلقين نيوتيلا وخفقتهم كتير منيح وقسم حطيت علي باكيت عصير على أناناس ورشة صبغة صفرا )
وبتحطوهم بالفريزر لحتى 6 ساعات او لتاني يوم أفضل وبتقدموها لحبايب قلبكم بالهنا والعافية
وهيك بتكون خلصت وصفتنا لليوم يا رب تكون عجبتكم وبتمنى تحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️
