سلق بزيت الزيتون وصفة شهية ومفيدة

المقادير

• 3 ( باقات) سلق
• رمانة كبيرة مفروطة حبات
• بصلتين مفرومة ناعم
• 4 فصوص ثوم مهروس
• ثلث كاسة كبيرة زيت زيتون
• التوابل:
• ملح
• فلفل اسود
• بزر كزبرة ناشفة او باقة صغيرة كزبرة خضراء
• بابريكا

الخطوات

ننسل الضلوع من الخيطان ونقطعها الضلوع لوحدها والاوراق لوحدها ونفرم الاوراق فرم وسط ونضعهم بوعاء كبير فيه ماء وملعقة صغيرة حمض الليمون او 2 ملعقة كبيرة خل ونتركهم 7دقائق منقوعين ثم نضعهم بمصفاية ونغسلهم جيدا جيدا ثم نضع الحنجرة ع النار مملوءةبماء ونضعهم بقلبها ونتركهم ليغلو اول فورتين نضعهم بالمصفاية ليصفى ماؤهم ثم ناخد منهم شوي ونعصرهم جيدا جيدا حتى نفاذ الكمية ثم نضع طنجرة ع النار وزيت الزيتون والبصل ونقلبه ليدبل نحاول نفكك السلق ونضعه على البصل ونقلبه ونضيف التوابل عليهم ونحركهم شوي ونتركهم ع نار هادئة

وما نغطي الطنجرة ابدا حتى ماينزل ماء منهم نتركهم شوي مع التقليب بين الحين والآخر ونضيف الثوم المهروس والرمان ونحركهم ونتركهم ليستو تماما وتقدم ساخنة الى جانبها الليمون وألف صحة

سلق بزيت الزيتون نسرين بارافي