معمول السميد عطريقه والدتى الله يحفظها. ملكه عيد الاضحى
معمول السميد عطريقه والدتى الله يحفظها. ملكه عيد الاضحى
معمول السميد عطريقه والدتى الله يحفظها. ملكه عيد الاضحى
المقادير
- 2 كيلو سميد
- لكل كيلو سميد 3 قوالب زبده وزن 200 غرام… يعنى 6 قوالب
- دقه كعك
- حليب سائل للعجن
- معلقه صغيرة خميره
- تمر او عجوة للحشوة
- زيت زيتون لدعك التمر
- معلقه صغيرة قرفه مطحونه للعجوه
الخطوات
اول شى بندوب الزبده عالغاز او عالميكروويف وبنخليها تبرد عالاخر.. لانو اذا ضفناها للسميد وهي سخنه رح يقسى المعمول… بس تبرد بنضيفها للسميد وبنبسه براحه الايد مو عجن وبنخليها ليله كامله
تانى يوم بضيف معلقه خميره ودقة الكعك.. ممكن تحطي شومر ويانسون مع دقة الكعك بس انا بحب النكهه الاصليه للمعمول.. وبضيف الحليب السائل بنضيفه شوى شوى لحد ماتصير عجينه قابله للتشكيل مو طريه كتير ولا ناشفه انا اخد معي كاسه ونص حليب لحتى صار جاهز…
طبعا بكون عاجنه التمر بشويه زيت زيتون ودقة كعك وقرفه مطحونه ومكورته… وببلش اشكل المعمول سواء بالقالب او بالنقش بالملقط.. وبس اخلص كل الكميه بخبزه عنار وسط لحتى يحمر من تحت وبولع الفرن من فوق وبحمر الكعك من فوق لمده دقيقتين مو اكتر لحتى ينشف الوجه ما يوخد لون…
بس، يبرد تماما او تانى يوم بحط عليه السكر الناعم وتدوقو اطيب معمول بدوب بالتم دووب❤❤
الف صحه وهنا مقدما
بتمنى يكون الشرح واضح وسامحونى اذا مش واضح هاي اول وصفه الي… اي استفسار انا جاهزه
