برغر لحمة شغل البيت
برغر لحمة شغل البيت
المقادير
- مقادير العجينة:
- كاستين طحين
- كاسة حليب
- معلقة خميرة صغيرة
- معلقة سكر صغيرة
- رشة ملح
- فنجان زيت صغير
الخطوات
مساء الخير لاحلى جروب
عملت اليوم برغر في البيت وخبز البرغر كمان في البيت
طريقة الخبز كتير سهلة وبسيطة ومكوناتها بسيطة لكن طريقة العجن اللي بتختلف شوية
اليكم طريقة خبز البرغر
بتجيبي وعاء بتحطي فيه كاسة حليب دافي وبتضيفي معلقة سكر ومعلقة خميرة وفنجان صغير زيت ذرة
في وعاء اخر بتحطي كاستين طحين ومعلقة ملح وبتخلطيهم منيح وبتبلشي تضيفي خلطة الحليب والزيت وتعجني لحتى تصبح عندك عجينة متماسكة ولينة .بدك تعجني هالعجينة بايدك مدة 4 دقايق .بعدين تغطيها بنايلون وتحطيها بمكان دافي لمدة ساعة حتى تختمر تماما
بعدها بتقطعي العجينة لكرات متوسطة وبتلفي كل كرة ع الطاولة بايدك حتى تصبح كالكرة ..وبتصفيهم بصينية مدهونة زيت .وبتضغطي على كل كرة شوية براحة ايدك وبتغطيهم وبتتركيهم كمان نص ساعة
بتدهنيهم حليب وبتنثري فوقهم سمسم او حبة البركة او اي شي او ما بتحطي شي براحتك
وبتخبزيهم على حرارة 200
بالنسبة للحمة
بتفرمي اللحمة او بتجيبي لحمة مفرومة ناعمة جاهزة وسادة بدون اشي .وانتي بتفرميلهم بصلة وسنين توم وبتحطي معلقة معجون طماطم وملح وبهارات مشكلة وبهارات كزبرة وهيل وزنجبيل ورشة قرنفل وبتخلطيهم منيح وبتقرصيهم دوائر وبتشويهم شوي بالفرن بدل من القلي عشان نخفف زيوت
وبتفتحي خبزة البرغر نصين وبتحطي شريحة جبنة وقرص اللحمة وشرحة بندورة وشرحة فليفلة ورقة خس وبطاطا مقلية وكاتشاب ..
وصحة وهنا
#برغر ام نضال
