سمبوسك جبنة ولحمة وصينية بطاطا باللحمة المفرومة
سمبوسك جبنة ولحمة وصينية بطاطا باللحمة المفرومة
سمبوسك جبنة ولحمة وصينية بطاطا باللحمة المفرومة
المقادير
- لعجينة السمبوسك:
- ٣ كاسات طحين
- فنجان صغير زيت ذرة
- معلقة كبيرة حليب بودرة
- رشة ملح
- ماء دافي للعجين
- حشوة السمبوسك اللحمة:
- لحمة مفرومة
- البصل
- الملح
- البهارات
الخطوات
بنعجنهم وبنغطيهم وبنتركهم يرتاحو
حشوة السمبوسك عبارة عن لحمة مفرومة مقلبة مع البصل والملح والبهارات .
وقسم حشيته جبنة بيضة
الجبنة عملتها بقالب السمبوسك واللحمة كمان .
والقلي بزيت غزير وعلى نار وسط ..
التبولة
بقدونس مفروم وكم حبة بندورة وكم ورقة نعنع وفنجان برغل ناعم ورشة ملح وعصير ليمونة كبيرة وفنجان زيت زيتون وبصلة مفرومة ناعمة
اولا بحط البرغل بالجاط اللي بدي اعمل فيه تبولة بدون نقع بتاتا ..بفرم بصلة وبعصر عليها الليمون وبحطها فوق البرغل وبفرم حبتين بندورة فرم ناعم وبحطهم فوق البرغل وبفرم البقدونس وبحطه فوقهم بدون ما احركهم نهائي بغطيهم وبحطهم بالثلاجة ولما بدي احضر السفرة بملحهم وبحط زيت وبخلطهم ..وهيك بكون البرغل نقع من االيمون والبصل والبندورة وشفط كل السوائل وبتضل التبولة ناشفة وما بتزلزل ابدا لو قعدت يومين بالثلاجة ..
نيجي لصينية البطاطا
سلقت ٣ حبات بطاطا لحتى استووو ع الاخير
هرستهم واضفتلهم معلقتين زبدة ومعلقتين لبن ورشة ملح وبهارات بطاطا وشوية بقدونس مفروم وخلطهم منيح .
جبت صينية بايركس صغيرة دهنتها زبدة .
فردت نص كمية البطاطا بالصينية وفردت فوقهم لحمة مقلبة بالبصل مع البهارات نفس لحمة السمبوسك .
فردت القسم التاني فوقهم دهنتهم لبن ودخلتهم ع الفرن عشر دقايق وحمرتهم …وفيكي تحطي ع الوجه جبنة موزريلا بس جوزي ما بحبها ..
وصحة وعوافي
#ابداعات ام نضال
