الهريسة النبكية ملكة عيد الأضحى
الهريسة النبكية ملكة عيد الأضحى
المقادير
- 2 و نص كاس سميد خشن أو وسط
- نص كاس سكر
- نص معلقة صغيرة بيكنغ باودر
- نص معلقة صغيرة كربونة
- نص كاس سمن حيواني
- نص كاس لبن زبادي بدرجة حرارة الغرفة
- كاس حليب سائل دافي
- نص كاس سكر
- معلقة صغيرة خميرة فورية
الخطوات
أول شي نضع السميد والسكر والبيكنغ باودر والكربونة والسمنة ومنظل نبس فيهم بس لحتى السمنة توصل لكل حبات السميد ويتفتحو معي بعدين منحطهم ع جنب ومنحضر الخطوة الثانية
تاني شي نضع في صحن نص كوب لبن وكوب حليب سائل ( الدااااافي ) ونص كوب سكر والخميرة ومنحركهم ومنديرهم فوق الخطوة الأولى
بعدين منتركهم فقط 5 دقائق لحتى ترتاح ( الخليط بيكون معنا رخو شوي )
تالت شي منحضر صينية الفرن ومندهنها بالسمنة ومندير نص خليط الهريسة ومنفردو بالصينية بشكل تساوي بعدين منرش رشة وفيرة من القرفة هاي الخطوة ( اختياري حسب الرغبة ) بعدين منحط النص التاني ومنفردو بحذر ومنزيين الوجه بالفستق الحلبي وعلى الفرن مباشرة على حرارة 180 درجة لحتى تتحمر الأطراف منشغل الفرن من فوق ومنحمرها
القطر *** 3 كاسات سكر / 2 كاسة ماء / عصرة ليمون / 2 معلقة كبيرة سمنة
نضع السكر والماء ومنتركهم لحتى يغلو بدون تحريك بعدين منحط الليمون ومنتركهم ربع ساعة بعدين منطفي ومنحط السمنة ومنحركهم كتيييير منيح
وبعدين مندير القطر وهو سخن على الهريسة وهيي سخنة
ومنتركها لمدة ساعة لحتى ترتاح معي منقطعها ومنقدمها وتلذذي بالطعم الرهيب
بتمنى منكم تجربوها وتحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️
