طريقة تفريز ورق العنب

المقادير

• ورق عنب اسود طازج
• اكياس تفريز

الخطوات

يسعد صباحكم ايها الشعب الكريم

في كتير سألوني عن طريقة تفريز ورق العنب او الدوالي

انا بفرز ورق العنب الاسود او ورق العنب البناتي اللي بكون العنب حبته صغيرة وبدون بزر

انا بوصي على ورق عنب بوصلني نضيف وما في عيدان ابدا بمسحه بفوطة نضيفة رغم انه نضيف وما عليه اسم الغبرة وبصفه فوق بعض وبوزن كل نص كيلو لحال وبحطه باكياس التفريز وبضغط عليه بايدي لحتى اطلع الهوا ويصغر حجم الكيس ..وبحطهم بالفريزر .

لما بدي اطبخ بالشتا ورق عنب بطول كيس من الفريزر وبنقعه بمي فاترة مدة نص ساعة لحتى يفك وبحطه بمصفاية وبشطفه تحت الحنفية وبتركه يتصقى وبلفه مباشرة بدون سلق نهائي .وبطبخه ع الطريقة المعتادة سواء يالنجي او يبرق بلحمة ..

شوفوا الصور واحكموا بنفسكم

#طريقة تقريز ورق العنب ..ام نضال