المنسف الأردني ملكة عيد الأضحى
المنسف الأردني ملكة عيد الأضحى
المقادير
- كيلو لحمة خاروف قطع كبيرة
- راس بصل
- ورق غار
- حبات من الهيل
- ملح
- أرز تايجر قصير الحبة 2 كوب
- رشة عصفر للأرز
- لبن رايب كيلو
- رشة صغييييرة من العصفر
- جميد ( حسب الرغبة روس او مكعبات أو سائل ) انا استخدمت المكعبات لأنو جوزي ما بحب نكهة الجميد ثقيلة
- ماجي مكعبات
- بيضة أو معلقة نشا كبيرة
- رغيف خبز شراك
- كاجو مقلي للتزيين
الخطوات
أول شي نضع اللحمة بعد غسلها جيدآ بطنجرة الضغط ونضع عليها البصل المقطعات الي أربع قطع والملح وورق الغار والهيل الحب ومنضغطهم لمدة ساعة الى ربع أو حسب استواء اللحمة
تاني شي نضع في خلاط الكوكتيل اللبن مع رشة صغيرة من العصفر وممكن الاستغناء عنها والبيضة أو النشا ومنخلطهم كتييير منيح ع شان ما بفرطو معنا بالطبخ بعدين منديرهم بالطنجرة الي بدنا نطبخ فيها ومنحط فوقهم الماجي والجميد المكعبات ومنحركهم لحتى يغلو بتكون اللحمة خلصت منخفف اللبن بشوربة اللحمة حسب الرغبة
تالت شي منعمل الأرز نضع الأرز مع الملح والعصفر وشوية زيت قلي ومنظل نحوس فيهم لمدة ٥ دقائق بعدين منحط غمارتهم شوربة لحمة لحتى يغلو معنا منوطي الغاز على الأخير ومنتركهم لحتى يستوي الأرز معنا
رابع شي منجيب خبز شراك ومنقطعو لقطع حجم وسط ومنضعهم بالسدر الي بدنا نسكب فيو ومنشربالخبز بشوربة اللحمة لحتى يطرى معنا نضع فوقه الأرز ومنفرده منيح ونضع قطع االحمة بعد ما نغطهم بشوربة اللبن ومنززين الوجه بالكاجو او اللوز المقلي
ونضع اللبن بصحون التقديم ويقدم بالهنا والعافية
وهيك خلصت وصفتنا لليوم يا رب تكون عجبتكم وبتمنى تحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️
