الكيكة التركية بطريقتي
الكيكة التركية بطريقتي
المقادير
- مقادير الكيكة:
- 3 بيضات
- 3 فانيلا
- 3 بيكنغ باودر
- كاسة ونص طحين
- نص كاسة كاكاو
- كاسة الى ربع سكر
- كاسة الى ربع زيت قلي
- كاسة حليب سائل دافي
- مصغيرة خل
- مقادير الكريمة:
- كوب كريمة شانتية
- كوب حليب سائل متلج
- علبة قشطة
- مقادير صوص الشوكولاتة:
- نص كوب سكر بودر
- ربع كوب زيت
- نص كوب كاكاو
- نص كوب ماء بارد
- نص كوب حليب ناشف
- مقادير تسقاية الكيكة:
- 2 ونص كوب حليب سائل
الخطوات
أول شي نضع البيض والفانيلا والخل والسكر بعدين منخفقهم كتييييير منيح لحتى يصير كريمي ثم نضع الزيت ومنخفق بعدين منحط الطحين والكاكاو والبيكنغ باودر وننخلهم منيح بعدين منصير نزلهم بالتدريج مع الحليب لحتى انتهاء الكمية ومنديرهم بصينية مدهونة بالزيت والطحين وعلى الفرن مباشرة لمدة نص ساعة بعدين منطلعها من الفرن ومنتركها تبرد تمامآ
تاني شي منعمل ثقوب بالكيكة ومنسقي الكيك بالحليب السائل
تالت شي منعمل الكريمة منخفق الكريمة مع الحليب السائل البارد جدآ بعدين منزل عليهم القشطة ومنضعهم فوق الكيكة الباردة والمسقية بالحليب تمااااااااامآ
رابع شي نضع الحليب والسكر والكاكاو والماء والزيت في خلاط الكوكتيل ومنخلطهم لحتى يجمدو معنا ( قوام مو جامد كتير ولا رخو ) بعدين منزين فيهم الوجه فوق الكريمة
خامس شي منزين الوجه بالكريمة ومنصير نعمل تموجات فيها لحتى نحصل على الشكل هاد
وبعدين منحطها بالتلاجة أقل شي ساعتين او تلات لحتى تبرد تمامآ بعدين منقطعها وتقدم بالهنا والعافية
وهيك خلصت وصفتنا لليوم يا رب تكون عجبتكم وبتمنى تحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️
