معمول العيد بطريقتي ملكة عيد الأضحى
معمول العيد بطريقتي ملكة عيد الأضحى
المقادير
- كيلو طحين أبيض
- 500 غرام سمنة ( نص كيلو )
- كاستين قطر وسط
- نص كاس حليب بارد
- معلقة صغيرة محلب مطحون
- معلقة صغيرة يانسون مطحون
- نص معلقة صغيرة مستكة مطحونة
- 3 ملاعق كبيرة من الزيت القلي
- معلقة كبيرة سمنة بدرجة حرارة الغرفة
- للحشوة:
- تمر منزوع النوى
- معلقة صغيرة قرفة مطحونة
- معلقتين كبار سمسم
- معلقة صغيرة يانسون مطحون
الخطوات
أول شي نضع الطحين والسمن ( السمن ما يكون سائل حامي يكون مايل للبرودة ) ومنظل نبس فيهم بس لحتى يتجانسو مع بعض منيح وتصير العجينة دبقة بتلزق بغطيها وبحطها بالتلاجة لمدة نص ساعة
تاني شي منطلع العجينة بعد ما ارتاحت من التلاجة ونضع عليها المحلب واليانسون والمستكة ورشة ملح ومنحركهم مع بعض بعدين منحط عليهم ( القطر المخلوط مع الحليب السائل ) بعدين منزلهم بالتدريج ومنحركهم ( مش عجن فقط تحريك ) بمنظل نزل بالتدريج لحتى انتهاء الكمية رح نحصل على عجينة رخوة نوعآ ما لهيك ما تخافو هاد الشي عااااااااااااادي منغطيهم ومنحطهم بالتلاجة لمدة لا تقل عن الساعة
تالت شي منجهز التمر المطحون ونضع عليه 3 معالق كبار زيت قلي والسمسم واليانسون والقرفة ومعلقة كبيرة سمنة ومنعجنهم كتييييييير منيح
رابع شي منطلع العجينة من التلاجة ومنباشر العمل فيها منشكلها بقوالب المعمول الموجودة عندك حسب الرغبة
بالنسبة للشوي منحط السدر والنار من فوقه مباشرة لحتى يشقر منزلو تحت ومنحمرو من تحت ( ع شان الرسمة تظلها ثابتة متل ما هيي )
منتركهم بنفس السدر ممنوع نحركهم لحتى يبردو مننقلهم على تبروير ومنغطيهم بإحكام
ويووووووم العيد اليوم المنتظر هههههه منقدم منهم لحبايب قلبنا وضيوفنا بمحبة وريتو ألف صحة وهنا على قلبكم وقلبي وقلب ضيوفكم هههههه
وهيك خلصت وصفتنا لليوم يا رب تكون عجبتكم وبتمنى تحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️
