الفته المصريه
الفته المصريه
المقادير
- كيلو لحمه مكعبات مسلوقه
- ٢ عيش بلدي محمر
- كيلو أرز ابيض مستوي
- سمنه
- لتر عصير طماطم
- خل
- توم مفروم
- ملعقه كبيره صلصه
- كزبره ناشفه
- ملح
- فلفل أسود
الخطوات
– نحمر قطع اللحمه في السمنه ونشلها وفي نفس السمنه ننزل بالثوم وعليه رشه كزبره و ننزل بالخل ونسيبه يغلي غلوتين و ننزل بعصير الطماطم والصلصه و يغلي شويه نضع الملح والفلفل ونتركه يتسبك ..
– في طاسه تانيه نشوح الثوم و عليه رشه كزبره و بعدين الخل يغلي غلوتين وننزل عليه بالعيش المحمص ونقلبه ..
– في طبق التقديم نضع العيش و عليه الارز الابيض ونسقيه بشوربه اللحمه ثم نرش صلصه الفته و نرص قطع اللحم المحمره
