كعكة النسكافيه البارده الحلا المفضل في الصيف
كعكة النسكافيه البارده الحلا المفضل في الصيف
كعكة النسكافيه البارده الحلا المفضل في الصيف
المقادير
- كوب حليب سائل بارد مذوب معه 3 ملاعق سكر
- 3 ظرف كريمه بودره
- ظرف كريم كراميل
- علبة قشطه أو بكيت ونص
- معلقة نسكافيه
- بكيت نسكافيه 3أن1 أختياري
- كوب حليب سائل لتغميس البسكوت
- بسكوت قهوه او بسكوت الشاي حسب الرغبه
- للتزين:
- بسكوت مطحون
الخطوات
السلام عليكم ويسعد أوقاتكم بالخير
اليوم بقدملكم حلا الصيف المميز والكل بحبه وسهل وسريع ومنعش بالجو الحار كعكة النسكافيه البارده
نزلت طريقتها قبل هالمره بس حبيت ارجع انزلها مع بعض التغير بالطريقه و التقديم بصراحه شفت هالطريقه عاليوتيوب لشيف متابعها وحبيت انزللكم الوصفه كثير طيبه ولذيذه اكيد البعض منكم شاف الوصفه عاليوتيوب
ان شاء الله بتعجبكم …
يلااا نشوف الطريقه سواا ..
& عالخلاط الكهربا بنخلط الكريما مع الحليب البارد والنسكافيه (والحليب مخلوط معه سكر ثلاث ملاعق ) بعد ما تشد معي الكريما بضيف ظرف كريم كراميل والقشطه وبخلطهم سوا واخر شي رجعت ضفت بكيت نسكافيه لتعزيز النكهه وهيك الكريما صارت جاهزه
& استخدمت بسكوت القهوه ..ووضعت الحلا ببكتات البسكوت للتقديم فكره حلوه ومريحه وبما انه البسكوت بالقهوه فغمسته بحليب سائل بدون اضافة النسكافيه
وفي حال استخدام بسكوت ابيض بنضيف للحليب معلقة نسكافيه ..وبلشت بعمل طبقات من البسكوت والكريما وبعد ما تجهز واخلص الطبقات بضعها بالثلاجه لحين وقت التقديم كل ما طولت بالتبريد بتكون ازكى
& الكريما يلي زادت معي عملت منها صينيه نفس الشي طبقات بسكوت وكريما لحتى اخلص الكميه بس هون حبيت اشكل بالبسكوت فاستخدمت بسكوت ابيض وبسكوت قهوه بالتناوب الطبقه الاولى بسكوت ابيض والثانيه بسكوت قهوه وهكذا لحتى اخلص الكريما عملت معي اربع طبقات
ضفت لتغميس البسكوت الابيض معلقة نسكافيه للحليب
وبدخلها الثلاجه لوقت التقديم
تزين حسب الرغبه ..زينتها ببسكوت مطحون
& بحتاج 3 بكيت بسكوت للصينيه الوسط حسب حجم الصينيه المستخدمه
ان شاء الله بتجربوها وبتحبوها
سهله وبسيطه وطيبه ..واكيد كل الشكر لوصفات اليوتيوب يلي بتساعدنا في التنويع بمطبخنا والتجديد
ولا تنسونا من التشجيع لتنزيل المزيد من الوصفات
دمتم بكل الخير
