فطيرة النقانق ملكة الفطور
فطيرة النقانق ملكة الفطور
المقادير
- كوبين حليب
- ربع كوب زيت
- ربع كوب زبدة نص اصبع ٥٠ غرام
- معلقتين خميرة
- معلقتين كبار سكر
- معلقة صغيرة بكنغ باودر
- معلقة طعام ملح
- خمس اكواب طحين
- للحشوة :
- علبة نقانق
- فلفل الوان
- حبتين بندورة
- فلفل حار
- بصلة كبيرة
- زيتون شرائح
- ملح
- فلفل
- بهارات مشكلة
- هوت صوص او صلصة حارة (اختياري)
- كاتشب معلقتين كبار
- جبنة مزريلا طبعآ
- قليل من زيت النباتي
الخطوات
يعطيكم العافية صبايا هاي فطيرة بسيطة وفكرة للتغير بالفطور اليومي وكنوع من تشجيع الاطفال ع الفطور كمان لانهم بملو من الروتين يلا نشوف الطريقة بكل بساطة
اول شي للعجين بحط الحليب الدافي بجاط وبحط علي الخميرة والسكر وبحركهم منيح وبتركهم خمس دقايق تتفاعل الخميرة وبعدين بنزل بالزيت والالملح والبكنغ باودر والطحين وبقلب العجين وبعجنها منيح واخر شي بضيف الزبدة الطرية بحرارة المطبخ وبعجن حتة تصير عجينة طرية وملسة وملمسها ناعم وبتركها تخمر ساعة الا ربع
للحشوة بحط بمقلى شوية زيت وبنزل البصلة وبقلبها حتى تذبل بنزل الفلفل الالوان والفلفل الحار وبس يذبلو شي بسيط بنزل البندورة وبقلب وبعدين بنزل النقانق وبقلب وبنزل الزيتون الشرائح وبقلب وبنزل الكاتشب والصوص الحار وبقلب واخر شي بضيف الملح والفلفل والبهارات المشكلة وبعدين بتركها تبرد
للتشكيل بقطع العجين لأربع كرات وباخد كل كرة وبفردها ع شكل دائري وبحطها بصينية الفرن ع ورق زبدة او بتدهني رشة زيت بالقاع وبحط الحشوة وبرشلها الجبنة وبفرد الكرة الثانية وبغطي فيها الحشوة وبدخل اطراف العجين تحت العجينة الي تحت حتى تتسكر مزبوط وتحكمي اغلاق الاطراف وبعدين حطي صحن او كاسة بالنص وقطعي العجين متل ما موضح بالصور وبعدين دهني الوجة ببيضة وعليها معلقة خل ومعلقتين حليب واخلطيهم منيح وادهني الوجة وحطي رشة سمسم او قزحة واتركيها ترتاح وتخمر مرة تانية عشر دقايق وبعدين دخليها الفرن الحامي مسبقآ على نار فوق الوسط بس توخد لون من تحت حمري الوجة وطلعيها وغطيها ببشكير مطبخ نضيف خمس دقايق وبعدين قطعيها وتلذذي بالطراوة والطعم الخيال هاي الكمية بتعمل فطيرتين حجم عائلي وبالصحة والعافية ع قلبكم يا رب
