طريقة عمل كنافة نابلسية ناعمة وصفة شهية.
اليوم نقدم لكم شيء من الثقافة الفلسطينية بل تكاد تكون أشهى الحلويات الشرقية الكنافة النابلسية بالطريقة الفلسطينية النابلسية الاصيلة من صديقة زاكي.
Hala Dara El Amar
مقادير وصفة كنافة نابلسية/
- 3/4 كوب السمنة
- الكنافة نص كيلو
- الجبنة: 1/2 كيلو جبنة شلل (مجدولة) وربع عكاوي وأقل من ربع بشوية نابلسية وممكن تغيري بمقادير الجبنة حسب ما بدك وضعي أيضاً كمية على قد كفة اليد موزا ريلا وممكن تستغني عنها.
طريقة عمل كنافة نابلسية/
- يتم نقع الأجبان لأنها مالحة قبل بيوم وسوف تلاحظوا انه العكاوي والشلل صارت رخوة جدا بالمية.
عندما يقل الملح منهم يتم تصفيتهم جيدا من المية بعدين نخلطهم مع بعض في وعاء ونضعهم على جنب. - العجينة: نضع على الشعر كوب ونص سمنة ساخنة لكن ليست ساخنة جداً وليست دافئة، (اختاروا نوع سمنة طيب، لأنه كتير يلعب دور) ووزعي السمنة على كل الشعر وتغطي الوعاء بنايلون نص ساعة ونتركها لتتشرب الكنافة السمن بعدين تفرم على مكينة اللحمة وممكن تحمصيها دقيقتين فقط على النار. بعد ما تفرم اقعدي افتلي فيها يعني ممكن تنخليها أو بكفتين ايدك براحتهم يعني بتعدي تفركيها عشان ما يكون في كلاكيع فيها.
- تأتي بصينية قطر 32 سم وبتضعي فيها معلقة سمنة كبيرة وبودرة ألوان برتقالي وتدهني الصينية بيهم وبتفردي الكنافة بعدين طبقة الجبنة وابعدي مقدار نص سم عن الحواف حتى لا يتغير لون الجبنة.
- الخبز: ضعيها على نار هادية على الغاز (انا احتجت أكبر عين لكن لو صينيتك أكبر وكميتك أكبر بدك تولعي اكتر من عين تحتها) وظلك لفي فيها بحركة دائرية ما تتركيها لحظة (أخدت معي 8 دقائق) اكشفي عنها من النص من تحت وشوفي لونها إذا استوت ولا لا.
إذا استوت فوراً اقلبيها بصينية ثانية وحطي عليها القطر وهو سخن وحطيها على حمام مائي سخن لتسيح الجبنة بزيادة. والناس الذين يعانون من أن الكنافة تتفتفت معها بعد ما تحطي القطر ارجعي اكفي عليها الصينية ثاني واتركيها شوية شي 5 دقائق، وما تنسي تحطي القطر وهو سخن كتير.
ملاحظة مهمة جدا من زاكي بخصوص وصفة كنافة نابلسية:
الجبنة ممكن تكون مغشوشة وما تسيح معك خاصة العكاوي لهيك جربيها بمقلاة النار ولاحظي انها سوف تسيح ولا ﻷ.
وممكن تكتشفي العكاوي هتسيح ولا لا افركيها بإيدك إذا حستيها ناعمة ومسامها سوفت كتير فخلص لكن إذا اتفتفتت اعرفي مش حتسيح انا اشتريتها من كارفور مول (اللي من التشيك صناعتها) والشلل هي اللي بتمط كتير.
شاهدي طريقة أخرى لعمل الكنافة.
أيضا يمكنكم زيارة موقعنا عبر الفيسبوك لمتابعة العديد من الوصفات الشهية.