بيتزا السلامي ملكة الفطور
بيتزا السلامي ملكة الفطور
المقادير
- خمسة كوب طحين
- كوبين حليب سائل دافي
- نص كوب زيت
- معلقتين خميرة
- معلقتين سكر
- معلقة صغيرة ملح
- معلقة كبيرة خل ابيض
- معلقة كبيرة بكنغ باودر
- صلصة البيتزا :
- كيلو بندورة مبشورة
- ثلاث اسنان ثوم مهروس
- زعتر ناشف
- ملح
- فلفل اسود
- معلقتين كبار كاتشب
- معلقة صغيرة صلصة
- بابريكا حلوة
- بابريكا حارة (اختياري)
- للحشوة :
- سلامي
- فلفل الوان (اختياري)
- زيتون شرحات اسود واخضر (اختياري)
- جبنة شدر
- جبنة مزريلا
- جبنة قشقوان (اختياري)
الخطوات
السلام عليكم يا غاليات كيفكم شو اخباركم اليوم جايبتلكم وصفتي البيتزا المتواضعة ياااا رب تنال اعجابكم هية صح مو للفطور بس بنفع لو كنا عاملينها قبل بيوم ع الغدا وزاد لتاني يوم بتتسخن ع الميكرويف وبتتاكل ع الفطور وكمان بتقدرو تعملوها ميني وتحطوها بالفريزر لأي وقت حابين تاكلوها بس طلعوها وسخنوها ع الميكرويف او بالفرن بترجع كأنك هسة عامليتها ويلا نشوف مع بعض كيف عملتها
اول شي صوص البيتزا انا بعملو من قبل بيوم وبحطو بطبروير وبحطو بالثلاجة اول شي ببشر البندورة وبعدين بهرس الثوم وبحط بالطنجرة شوية زيت زيتون او ذرة وبنزل الثوم بقلبو تقليبة بس يطلع ريحتو بنزل علي البندورة والصلصة وبتركو يتسبك وبعدين بعد عشر دقايق ع نار هادية بنزل باقي المكونات وبقلبها وبعد ما تتسبك وتخثر معك بتطفي عليها وبتتركيها تبرد وبعدين بتحتفظي فيها لوقت الاستخدام وممكن كمان تحطيها بأكياس تفريز او مرتبان وتحطيها بالفريزر
هسة للعجين بحط الحليب الدافي والخميرة والسكر وبحركهم منيح وبتركو خمس دقايق تتفاعل الخميرة وبعدين بنزل الزيت والطحين والملح والخل والبكنغ باودر وبعجن كتير منيح لحتى تصير العجينة ملسة وما بدبق بالإيد بغطيها وبتركها تخمر نص ساعة
بعد ما تخمر العجينة بقطعها اربع قطع وباخد كل قطعة وبعملها كرة وباخد كل كرة برش تحتها طحين وبرقها بخلي ارتفاعها تقريبآ ١سم او ١.٥ سم وبعدين بعمللها ثقوب بالشوكة وبعدين بنزل عليها الصلصة وبفردها ع كل البيتزا بس بتجنب الاطراف حتى ما تحترق وبعدين برشلها الاجبان وبعدين بحطلها الفلفل والزيتون والسلامي وبعدين بتركها خمس دقايق ترتاح وبعدين بدخلها ع فرد حامي وبس تتحمر من الاسفل بحمر الوجة تحمير خفيف وبعدين بطلعها وبس تهدا بقطعها وبتتاكل دافية حتى تستلذي بطعم السلامي مع مكس الاجبان السايحة يميييييي عنجد خراااااافي الطعم بتمنى تجربوها وتعجبكم وطبعآ صلصة البيتزا رهييييييبة جربوها ودعولي
