شعيبيات تركية مورقة وهشة راح تاكل صوابعها بعدها
شعيبيات تركية مورقة وهشة راح تاكل صوابعها بعدها
معكم صديقة زاكي المبدعة والمميزة دوماً Rawan Trad Assaf
صحيح بتتعب كتييير وبتاخد وقت بالشغل بس بصراحه فخخخخخخمه(هيك وصفها جوزي) من افخم الحلويات اللي عملتها عنجد مبسوطه كتير فيها ورح اعيدها دايما اصبحت معتمده عندي
مقادير الشعيبيات:-
نص كاسة زيت مازوﻻ
نص كاسة حليب
نص كاسة لبن رايب
رشة ملح
معلقة صغيره بيكنج باودر
3 كاسات طحين وممكن زياده شوي حسب نوع الطحين
الطريقة:
بنحط كل المكونات وبنعجنهم كتير منيح وبنتركها ترتاح العجينه من ساعتين ل تلات ساعات
بنجيب العجينه وبنقسمها لعشرين كره كل كره بحجم الليمونه
وبنبلش نفرد كره كره واحنا بنفرد بنستعمل عليها نشا وبنفردها كتيييير رقيق
وبنصير نحطهم فوق بعض يعني اللي بنرقها بنحطها وبس انرق كره تانيه بنحطها فوق الاولى وهيك للاخر لحتى نخلص ال20 كره
بعدين بنجيبهم وهمه فوق بعض وبنرد نفردهم بالمرق لحتى يسيرو معنا كره كبيره مفروده
بنلفها متل الرول وبنقسمها لدوائر بسمك واحد سم بناخد الدوائر وبننييمها وبنضغط عليها و وبنفردها منيح وبنحشيها متل ما بنحشي القطايف
الحشوة: ممكن جبنه حلوه وممكن قشطه منزليه وممكن مكسرات
بنحط بالصينيه سمنه كميه منيحه وبنحط الشعيبيات وبفرن محمى مسبقا بنحطها عنار هاديه وبنضل طول فترت التحمير انسقي على وجهها من السمنه لحتى تشقر بنطلعها وبنسقيها بالقطر البارد وبنزينها بالفستق الحلبي وصحتييييين.
شاهد طريقة التشكيل بالفيديو مقدم من صديقة زاكي سونا:
تحب تشاهد وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي