مربي التين زاكي وزي العسل

المقادير

• تين
• سكر
• ماء
• عيدان قرفه
• سمسم
• حبه البركه

الخطوات

السلام عليكم ورحمه الله وبركاته

وصفه اليوم مربى التين ان شاء الله تجربوها وتعجبكم وصفه سهله حبيت اشاركم الطريقه لتستفيدو منها خلال موسم التين

اولا بنجهز التين ونغسله بالمي عن الغبره ونصفيه عن المي ونهرسه بالايد او ممكن تقسمي حبه التين لنصين بس بيصير حسب الرغبه وانضيف كميه السكر على التين ( كل مقياسين تين بنحطلها مقياس سكرواحد انا استعملت جاط واحد تين زي اللي بالصوره حطيت نصه سكر ) بعد اضافه السكر نتركه لمده ساعتين اقل شي ومن ثم نضيفله مكيالين مي تقريبا بنفس مقياس السكر والتين وعودين قرفه اومعلقه قرفه ناعمه وعالغاز لما يغلي بتبلش يطلعله رغوه صفرا من لبن التين والبزر اللي جوا التين كل ماشفناة اتجمع بنشيله بالمصفايه وتنركه يغلي ع النار لحد مايثقل هون بيصير لازم نوطي الغاز تحته ونراقبه مع التحريك كل اشوي حتى ما يلزق بالطنجره او يحترق ونضيفله السمسم وحبه البركه ونتركه لفتره لحتى يثقل ونتاكد انه استوى وصحتين وعافيه

جربوه ع الفطور مع القشطه ولا ازكى

استودعكم الله الذي لا تضيع ودائعه