فطاير الجبنة النقانق ملكة الفطور
فطاير الجبنة النقانق ملكة الفطور
المقادير
- للعجين:
- خمس كاسات طحين
- كاستين حليب دافي
- نص كاسة زيت
- معلقتين خميرة
- معلقتين سكر
- معلقة صغيرة ملح
- معلقة بكنغ باودر
- للحشوة:
- جبنة بيضة
- جبنة مزريلا (اختياري)
- زعتر ناشف
- باكيت نقانق
- جبنة شدر
- جبنة مزريلا
الخطوات
السلام عليكم يا غاليات كيفكم شو اخباركم اتمنى الجميع بصحة وسعادة يا رب
طبعآ بعمل العجين متل العادة بحط الحليب الدافي والخميرة والسكر وبحطهم خمس دقايق تتفاعل الخميرة وبعدين بضيف الزيت والملح والبكنغ باودر والطحين وبعجنها منيح وبغطيها تخمر
بعد هيك بجهز الجبنة البيضة بكون ناقعها وحتى تروح الملوحة منها بصفيها وبنشفها منيح من المي وبعدين بفرك زعتر ناشف حتى ينعم وبحطو عالجبنة البيضة والمزريلا وبقلبها فيها وبحطها على جنب وبعدين بجهز النقانق والجبنة الشدر انا استخدمت شدر اصفر واحمر ومزريلا
هسة بقطع العجينة لكرات وبغطيهم وباخد كل كرة وبفردها ع شكل مستطيل وبحط الحشوة بالوسط وبعدين ببلش اسكرها من الطرف للأخير حتى تصير عندي ع شكل خبز الحمام وبحطهم بصينية الفرن ع ورقة زبدة او بدهن شوية زيت وبحطهم وبتركهم يخمرو كمان ربع ساعة وبعدين بدهن الوجة ببياض بيضة مع شوية حليب سائل وبخلطهم منيح وبدهن الوجة وبحطهم بالفرن الحامي و بس يطلعو من الفرن بغطيهم عشر دقايق بفوطة مطبخ نضيفة وبعدين بتقدميهم دافين ولا اطيب ولا ازكى من هيك
ملاحظة :
طبعآ بتقدري تفرزيهم بعد ما تخلصيهم ويبردو بتحطيهم بأكياس تفريز وبتحطيهم بالفريزر وبس بدك تستخدميهم بطلعيهم وبتحطيهم بالميكرويف او بالفرن برجعو كأنك هسة عامليتهم وهاي الانواع كتير ممتازة للمدرسة او للموضفة الصبح بس تطلعهم وتسخن وتحطهم الها ولأطفالها وكمان الكعك بعجوة والشكولاتة الي نزلتهم من يومين كمان نفس الشي فرزيهم وطلعيم بأي وقت وسخنيهم واطيب من هيك واسهل من هيك مافي
