بطاطا كمبير ملكة الفطور
بطاطا كمبير ملكة الفطور
المقادير
- حبات بطاطا متوسطة الحجم
- زبده
- جبنه قشقوان او موزريلا
- جزر
- بازيلا
- فاصوليا حمره
- زيتون اسود
- ذره
- مايونيز
- كاتشب تزين للوجه
- قطع من الزنجر او النجتس المقليه على الوجه
- رشة فلفل اسود
- رشه زعتر اخضر ناشف اختياري
الخطوات
اول شي بنلف حبات البطاطا بعد مانغسلها و ندهنها بشوية زيت و نرش عليها ملح بنلفها القصدير و بنشويها بالفرن بتاخد ساعه الى ساعه و نص حسب حجم البطاطا
بهاي الفتره بنحضر الحشوة بنسلق البازيلا والجزر ليستوو منيح بنصفيهم من المي وبنحطهم بجاط وبنحط عليهم الزيتون الاسود والذره والفاصوليا الحمره ورشه الملح ورشه الفلفل الاسود ورشة الزعتر الاخضر ( الاختياريه ) وبنحط عليهم المايونيز لازم يكون طعمو زاكي وبنخلطهم منيح
بس تستوي حبات البطاطا بنفتحها وهيه سخنه من النص وبنهرس البطاطا بشوكه وبنحط الزبده وشويه جبنة موزريلا ماقدرت اصور هاي الفقره لانو كنت لحالي بالمطبخ والشغل لازم يكون سريع بنرص البطاطا الي هرسناها منيح جوه الحبه وبنعملو متل التجويف وبنجيب الحشوة الي عملناها وبنحطها بوسطها وبنحط على الوجه جبنه موزريلا او قشقوان او تشدر وبنزينها بحبات من الزنجر المقليه او النجنتس وبنحطها ٥ دقايق بالفرن بس تدوب الجبنه وبس تطلع بنزينها بالكاتشب وصحتين والف عافيه يااارب
