الطبيب وسيم للكاتبة جمايكا احمد

الجزء الاول … اضفت الجزء الثاني الثالث والرابع والخامس والاخير
بما اني انا بقروب نسائي لازم ما انحط بموقف محرج بس انا مابنجبر أيد وأوقف دائما مع الطرف الضعيف اللي هو ((أنتم )) انا الدكتور وسيم ..انا طبيب نفسي وعمري 31 سنة ..عندي عيادتي الخاصة ..اللي مستحيل يوقف شغلها ساعة بسبب سيداتي الكريمات …يوميا بسمع قصص ومشاكل نسائية من بين كل 10 مشاكل بلاقي انو وحدة او اثنتين تستاهل المتابعة .. انا بعرف اني راح اتعرض للهجوم وبعرف اني فايت بمعركة وخاصة بقروب الكاتبة جمايكا ومعجبينها ..بس انا قبلت التحدي ..وحبيت قلكن عني وعن مشواري وعن المشاكل النفسية اللي مرت عليه …بس احيانا الطرف المتسلط او الطرف الاخر ..في بعض الاحيان يكون مظلوم او ضعيف . لاشك من كلامي ..قصتي طويلة وبدي صبر منكم على هجومي ووكلامي ..

بالبداية راح اذكر بعض القصص اللي استحقت متابعتها وبالاخر راح اسرد تجربتي مع مريضتي الخاصة .. نحنا جميعا بالاخر بشر نشعر حتى لو كنت اعالج اشخاص واساعدهم ليطلعو من حالتهم النفسية ..بس انا كمان متلكن وانا مريضتي دخلتني بحالة نفسية وهي نفسها عالجتني . حابيبن نبدا القصص … كرمال الكاتبة جمايكا بدي تفاعل كبير على القصة …

نبلش بقصتي الاولى مع مريضي ايهم اللي بلشت فيه لأحكيلكم انو المشاكل اللي بهالكون سببها ظروف والمشكلة اللي بتسير مع كل صبية من اي طرف هي من الظروف لأن طبيعة الانسان مكتسبة .. بعيدا عن الكلام الملغم واللي كلو الغاز راح احكي بالعامية .. مريضي ايهم مريض قتل زوجتو وطفلتو .. انا بعرف انو مجرم وقاتل لاشك من هالشي بس انا حبيت اسرد لالكن قصتو بالتفصيل .. بيوم من الايام اتصلو على عيادتي هيئة السجون العامة وطلبو مني انو احضر مشان في سجين اصيب بمرض عقلي شديد .. وانا من طبعي لبيت النداء ورحت شوف مريضي ايهم ..(( ايهم شاب عمروا 17 سنة سجين تحت السن القانوني ..تزوج من عامين بنت عمو المرحومة شيرين وكان عندو طفلة عمرها اشهر زوجة ايهم بعمروا همي الاثنين اولاد عم وبحكم العادات والتقاليد اتزوجو ايضا تحت السن القانوني للزواج مشكلة ايهم بدت من اول يوم زواج لالو ..لما اهلو طلبو منو من اول ليلة مع زوجتو انو يفرض رجولتو وحسب ماكان يسمع ايهم طبق كل شي على زوجتو حتى بلش الامر بالضرب …شيرين حسب ماسردلي ايهم انها عاشت حياة بائسة ومؤذية من طرف اهلو وطرف اهلها وانو البنت ماهي الا عار للعيلة وزواجها واخضاعها تحت حكم وتقاليد وعادات امر اجباري مانو مفروغ منو …كانت جلستي الاولى مع ايهم كانت متوترة جدا واخذت وقت طويل لحسنت اسمع من ايهم كل القصة بالتفاصيل لوصلت لنهاية قتل شيرين امام عائلتها بدون ذنب .

.

.

الجزء الثاني …

.

.

شيرين كانت البنت الوحيدة بين اخواتها الشباب ولان هاي العيلة بتنبذ خلفة البنات ..كانت عايشة تحت قهر كتير كبير من وقت ماكانت طفلة لما اهلها قررو يعمل لالها ((ختان البنات )) كانت جريمة بحق طفلة … كمل ايهم كلامو ..انو شيرين كانت دائما بتخاف من كل شي حتى من اهلها حتى من وجودي جنبها ..عاشت حياة مرعبة .. بيوم طردتها من البيت بحكم رجولتي واني لازم افرجي اهلي اني قوي وقادر .. وماكان لشيرين غير اهلها ..ومن وصلت شيرين اهلها فكروها انها عملت شي يغضب زوجها وقتها طلبو مني اجي اخدها اهلها بعد ماكانت ايديها مكسورة … ماكنت اعرف ليش ماكنت اشفق عليها رغم انها ما اذتني حتى بحرف .. حملت شيرين وكنت ناطر ولي العهد لالي اللي اعتز فيه بين اهلي واني راح تكون كل خلفتي اولاد .. بحمل شيرين ما اذيتها بس كنت خايف تجيني بنت وكنت خايفة من ردة فعل اهلي واهلها وقتها .. قربت ولادة شيرين .. ولازم اعمل اجراءتي بالدولة واعمل دفتر عائلة بس من رحت للبلدية رفضو يعطوني لان زواجي تحت 18 وكان هالشي مرفوض بسبب القانون الجديد اللي انفرض في بلدي ليمنع الزواج المبكر .. بس كان في طريقة تانية اني زور ورق زواجي مقابل مبلغ معين .. جهلي بكل شي واني ماني متعلم خلاني اتخبط وما افهم سنة الحياة … جهزت دفتر العائلة وصرت رسميا متزوج بالدولة … رجعت على البيت كان الكل عابس ومانو مبسوط وكأنهم بنتظروا مني اني اعمل شي كرمال اسعدهم .. من دخلت قال لإلي اخي مرتك ولدت ..تعال ابوك محتاجك هو وعمك بغرفة الضيافة … انا شعرت في شي دخلت على مرتي اللي ولدت داخل البيت على يد الداية لان من عادات العيلة بيرفضو تروح مستشفى وتنكشف الزوجة على طبيب…من دخلت شفت الطفل كانت بنت حسيت جبت عار لأهلي فيها طلعت وانا ماني مبسوط وعارف الخطة اللي راح يطلبوها اهلي مني من دون مايحكو لالي… دخلت ووقفت على باب غرفة الرجال ..وقلتهن طلبكم مجاب اليوم بالليل … جهزت حالي مشان روح غرق البنت بالبير …اغرق طفلتي بالبير مشان اغسل عار العادات والتقاليد .. من حملت الطفلة شدتني شيرين من ايدي واترجتني ما اخدها وتتوسل فيني وتبوس على رجلي بس انا ماسمعت لالها واخدت الطفلة واطلعت ..لحقتني شيرين وقتها …وصارت تصرخ بالشارع انو حد يساعدها لينقذها هي وبنتها … بس من سمعو اهلي الصراخ لحقوني .. ووقتها التمت الناس واجا اخي اعطاني سكين وطلب مني اذبحهن الاثنين بحكم الفضيحة اللي سارت .. ذبحت مرتي وبنتي على الملأ بدم بارد وبدون احساس ارضاء لأهلي …)) وقف ايهم كلامو بالقصة اللي شعرت وقتها اني بعصر الجاهلية وانو في ناس بهيك عقلية مع هيك تقدم وتغير بالحياة انا ماكانت مهمتي محامي دفاع انا كانت مهمتي مع ايهم لأحسن ساعدو مايقتل حالو ..لان اكثر من مرة عرض حالو للانتحار.. ايهم قصة سردتها عليكم لاثبت لالكم انو اوقات وفي بعض الاحيان سبب ظلم الرجل للمرأة بتكون سببها طرف اخر او ظروف خارجية او جهل او مرض نفسي …

كانت هاي قصتي لأيهم من القصص اللي تابعتها بحذ ذاتها وخاصة مع هيك عادات وتقاليد … كان في هناك قصص كنت اتهرب وما اسمع فيها .. متل قصة ميس …(ميس متجوزة وعمرها 27 سنة كانت يوميا تردد على عيادتي لتشكيلي عن امور سخيفة عن زوجها او بالاحرى ماالها علاج مثلا .. انو زوجها رفض يسفرها للندن متل ما سلفتها سافرت صابتها حالة نفسية وطلبت مني اقعد مع زوجها واحكيلو انو ميس بتمر بحالة نفسية شديدة ولازم ترضيها ..بسراحة انا كنت استمع لالها بدون الطلبات اللي كانت تطلبها مني كنت ساعدها بطريقة عادية جدا.. في بعض النساء واذا قلت لالكن هالشي راح تقولو عني مغرور مثلا يجو لعندي ليتغزلو بوسامتي .. بمزح ..خلينا نكفي

… مرت عليه حالات لظلم اطفال وحالات لتعذيب نساء وحالات ايضا لتعذيب ارجال من قبل زوجاتهم مجتمعنا ملئ بالخفايا ولو بدي فوت كل بيت راح تسمعو قصة شكل ..لليوم وصلتني المريضة(( هيا)).

.

.

.الجزء الثالث :- …

.

.

بيوم كانت عيادتي جدا مزحومة بزبائني ..وكنت مشغول جدا ..وكل جلسة مع مريضي تستغرق لحالها ساعة او اكثر … اقتحمو عيادتي حرس اخافو المرضى وقتها ورحلوهن … وسكروا عيادتي انا اعتقدت انو وقعت بمشكلة من سببي بس ما كنت اتوقع انو حرس وزير الشباب هو الموجود بعد مانزل الوزير بنفسو وطلب مني اني عالج بنتو (#هيا) مدمنة الكحول والمخدرات وهددني وقتها بالقتل وتدمير بيتي وعيلتي ..نسيت خبركن انا من عيلة متواضعة وبسيطة وانا المسئول عن عيلتي بالمصاريف حب الناس لالي وحسن تعاملي معهن واسمي اللي متل الناس مابقولو اسم على مسمى .. جعل لالي شهرة بالوسط الطبي .. وكان العديد من الفنانين وكبار الدولة والفنانات اللي كانو يتعرضو للحالات النفسية بعد فشل عمليات التجميل وتغير شكلهن للأسوء ..كل هاد كان لالي تتابع معهن …صح بعدتكن عن الموضوع وفكرتوني مغرور بس لاء انا لاني بين صبايا وستات ويمكن منكن بعدهن بيتردود عليه خلاني افتخر بحالي شوي ..نرجع للموضوع من تاني … رحبت بالوزير وقلتو ان شاء الله بحسن ساعدها .. طلب مني الوزير انو الامر يتم خاص وماحد يعرف فيه ليتم علاج بنتي بالكامل … واي تدهور وتراجع بصحة بنتي راح تكون نهايتك على ايدي … تهديد ابوها لهيا اللي هو الوزير ماحرك فيني ساكن … بس خوفا على عائلتي من هيك اشخاص اللي مابيعرفو رحمة خلاني اخد الموضوع بجدية واوافق على طلبوو … وطلبت منو يقلي عن هيا رفض وقال انو مشغول وراح تجي المربية تقلي عن حياتها لهيا … بعد ماقعدت مع المربية وعرفت حياة هيا…((هيا بنت عمرها 24 سنة بنت ما انجزت جامعتها بعد او بالافضل متل ماوردني الجامعة رفضت تنجحها لانها فاشلة .. وكطبيعة انها بنت وزير ترف الحياة والتكبر والمال جعلو منها بنت فاشلة بحياتها ..هيا بنت مدمنه مخدرات وكحول …وحياتها الصحية متدهورة على الاخر من شفت هيا وكمية الجمال استغربت انو هاد الشخص يكون مدمن مخدرات … وصلتني صورتين لالها قبل الادمان وبعدو ..وقررت اني اتابع حياتها لهيا واتابع مشكلتها مو لأنها بنت وزير ..لاء انا هدفي غير هيك هدفي ليش هاي الفئة من الشعب رغم انهم بملكو كل شي الا انهم فاشلين طلبو مني اجي تابع حالة هيا ببيتها ..مشان ماحد يعرف او يكشف هالشي للإعلام .. انا وافقت وكان قرار حكيم لاحسن فوت بهذا المكان اللي كلو اسرار .. اللي عم ينداس منو على كل طموحات الشباب فيه .. استعديت لروحتي لبيت هيا او القصر الوزاري ..ومن فتت كان مو بيت كان خيال حتى كاسات المي من الذهب الخالص ..الحرس الخدم كل شي هونيك وكل البذخ والترف كان مجرد ذكر ومو اهتمام وصلت لغرفة هيا .. اللي من فتحو الغرفة وفتت هونيك كانت بنت كل وجها اقراط وحلقات .. ومن فتت لاحكي معها رفضت تقابلني وانها مو فاضية لمقابلة حد …

.

.

.الجزء الرابع :-

.

.

.بعد ما اصريت اني ادخل واحكيها …دخلت لعند هيا …#انا :- مرحبا انسة هيا انا الدكتور وسيم وجيت لهون بناءا على طلب والدك الوزير فيكي تديري وجهك بناء على احترامي لالك … (دارت هيا وجهها وحكتني بغضب وغرور ..

#هيا:- مين انت لتحكيني هيك انت ما بتعرف بالمكانات شي بدك اعرفك بمستواك ….رفعت هيا ايدها لتضربني كف بس انا ماسمحت لالها وكمشت ايدها بقوة من بعد ما استفزني كلامها ..

#انا :- ست هي لو سمحتي انا مابسمح لالك انك تهنيني لو بحرف واحد وانا اساسا كنت متردد اني اجي اهتم وعالج وحدة متلك بس مادامك هيك انتي معي مارح اطلع من هون لأعلمك المستويات ..وانو المستويات بالعقل والفهم والذوق ..مو بقلة الادب والتكبر ..بعدين شو هاد اللي عاملتيه بوجهك وليش هيك مشوهه حالك …

#هيا:- انت شو دخلك بحياتي بعدين ذكرني بإسمك لو سمحت …

#انا:- الدكتور وسيم وانتي المريضة هيا ..مريضتي الخاصة مدمنة الكحول والمخدرات ..ست هيا اليوم راح يكون الاول لمتابعتي لالك واتمني انك ماتعانديني لأني شخص مابتعاند فيكي تقعدي قبالي وتجاوبيني على اسئلتي..

#هيا :- هلا والله من وين هالمصيبة اجت اتمنى دكتور وسيم تحمل وراقك وتطلع من هون لان بدي البس تيابي اليوم طالعة لحفلة مع رفقاتي الشباب والبنات …

#أنا:- اهااا قلتي رفقاتك وحفلة فيكي تقليلي شو هالحفلة ست هيا..

#هيا:- بالبار بعدك هيك لان راح روح لحق ارقص….

#انا :- بنوب ماحزرتي مافي لافوتى ولاطلعة من هون الا بموافقتي …

قفلت الباب واخدت المفتاح وبقيت بالغرفة مع هيا وهي تحاول تستفزني وانا متحملها كانت بنت شقية كتير او طفلة فوق ماتصورو ماتركت موبايلها ابد وتتقلب من مكان لمكان رفضت انها اتجاوبني على اي سؤال …وقتها سارت عصبية وسارت تشد على جسمها وتشنج وتكسر بكل شي حواليها متل افلام الزومبي ..عرفت انو مفعول المخدرات وانو جسمها بدو جرعة … وانو اشخاص بهيك حالة ومدمنين محتاجين الجرعة بس كمية اقل خوفا على حياتهم ليموتو فجأة . طلبت رفيقي الدكتور يجي وبقيت معاها لاخدت الجرعة سارت حياة هيا دائما مربوطة بالسرير كنت عم شوفها تتعذب بس ادمانها لسنوات على المخدرات بدو فترة طويلة لتتركو…تاني يوم الصبح جهزتلها غذا مفيد مشان ضعف جسمها كنت انا المسئول عنها وانو هيك حالة بدي اتعب معها كان تجاوب هيا مع العلاج كتير ضعيف غير حقدها عليه والكره اللي سار وانو سارت تشوفني متل العدو ..حتى من يجي ابوها يطمن عليها تصرخ عليه وتسبو واكثر من موقف بزقت عليه .. للاسف الترباية كانت جدا سيئة وانو هاد الشخص عم يحصد اللي بيزرعوا .. بلشت انا فوت بحياتهن كتير وخاصة من سار ابوها لهيا يطلب مني اقعد معو واشرحلو كل تفاصيل هيا .. بيوم نزلت لاحكي معو لان محتاج اجازة روح شوف امي وعيلتي وعيادتي … سمعت مكالمة هاتفية لالو انصدمت فيها …

.

.

.

الجزء الخامس :-

.

(ايوه ايوه ماشي كم شحنة راح تفوت البلد …لا هيك كتير 4 مليون دولار ..اي جاهزين .. طبعا على الجامعات والمدارس الهدف الاول ))

… هيك كانت المحادثة اللي بتتقدر بملايين الدولارات انا مافهمت شو هي الا من سارت مكالمة ثانية … ((اي ياوزيرنا وصلت شاحنة المخدرات تبعتك … لاتقلق الشباب عملو اللي عليهم … لاتخاف كل شي تحت ايدينا حتى الاعلام والجيش ..وكل كل شحنة ب 4 مليون دولار …

.

. ماكنت مستغرب انو وزير الشباب يحطم ويقتل شباب الدولة واكبر دليل بنتو .. شحنات مخدرات بتم تهريبها داخل البلد بسبب الاشخاص المسئوليين .. بعرف انو مجرد سماعي لهشي مارح يحرك ساكن واني مافي بإيدي شي اذا الشباب والاعلام انحطو تحت هيك عالم مابيرحمو ….. حاولت اطلع من مكاني قبل ليفتح الباب … وقعدت افكر شلون احسن اكشفو وانقذ هالشباب من هالشي ..طبيب بسيط وبمكانة بسيطة ..بالنسبة لهيك عالم ذبانة وبسهولة يقتلوها او يكشوها.. يومها مانمت الليل لأعرف الطريقة اللي احسن لاقيها لأوصل للملفات والصفقات اللي تثبت هالشي وافضح هيك فئة …ونمت وانا من التعب ماعرفت شو اعمل ..تاني يوم فيقتني هيا ..

#هيا :- شو يادكتور وسيم مارح تفارقنا بشووو .ولا شو وقعت بحبنا ..

#انا:- هههههه لا ياغليز ما لقيت الا ام اقراط احبها …

((اووع اجت لحالها لعندي الفكرة .. هي (هيا) نقطة القوة لالي ونقطة الضعف لأبوها مافي غيرها تقدر تجبلي كل شي وتفضح حتى ابوهاا…

#هيا:- شو سرحت شايف ….

#انا:- والله لو كنتي اخر بنت بالكون ما احبك شو شايفتيني ناقص شي ..ولا اذا بتحبي افرجيكي الفنانات وملكات الجمال شلون طاير عقلهن فيني …

#هيا:- هووووووف يااااااا انت من وين طلعتلي …

((هيا وقتها سارت تتخبط برجليها من الغيرة وتتأفأف وراحت وهي عم تتطلع فيني بعين وحدة ..))

انا وقتهت ابتسمت لاني عرفت اني بقدر عليها ولازم على طول ابقى استفزها …..

.

.صرت متل خيالها وعلى طول استفزها بكل شي بشكلها بلبسها حتى بطريقة كلامها …

#انا:- اوووه شو هاللبس كتير اووفر ومانو حلووو انتي مصاحبة غجر شي ..

#هيا:- انت شو دخلك انا هيك لبسي ..

#انا:- صحيح انتي شو ديانتك ليش حاطة نجمة بصدرك …

#هيا:- مادخلك بخصوصياتي وماعندي ديانة ..

#انا:- انتي من عبده الشيطان عرفت هاي الاقراط والرسومات اللي بغرفتك وطريقة لبسك والنجمة اللي شايلتيها كلها بدل على هيك .. صحيح شلون اندمجتي مع هيك فئة ووصلتي لالهن مع انهن مالهن وجود هون ..

#هيا:- ههههههه موجودة وكتير شو حابب تنضم لالنا انا عندي كل الكتب اللي راح تساعدك راح تعيش بروحانيتك بدون قيود بدون احكام راح تعيش بعالم ثاني بالعالم الاخر …

((انا ماحبيت قلها ديانتي اني مسلم بس حبيت امشي معها لاحسن طلعها من هاد الكابوس المرعب .. شياطين ومخدرات بالكتير هيك عمرها ما راح يطول …

#أنا :- اي ليش لاء بس بالاول انتي تقليلي شو عندك افكار عن هالديانة وتنناقش شوا …

#هيا :- اتفقنا بس لارجع من مشواري بنحكي…ثواني دق على الحرس يجهزولي سيارتي ..

يالا باي وسيم ..

(( احيانا لهدف معين بدك تتماشى وتساير الظروف طبعا انا مارح اتخلى عن ديانتي راح كمل مع هيا وناقشها بأمور دينية … هيا بنت غرقانة على الاخر وماعندي الا طريقة وحدة بس اني انجدها اني اتقرب منها اكتر ووفر لالها ظروف تساعدها لتتقبل فيني ..وبحكم اني دكتور علم نفس وطبيب ماتركت كتاب الا قريتو لقيت الطريقة …..

.

.الجزء الاخير …

نطرت هيا لترجع من سهرتها ومن رجعت فاتت البيت وهي عم تبكي ..كمشتها وكانت ريحتها مشروب ….

#انا :- هي شو بك صاير معك شي حد دايقك شي

#هيا:- انا تعبت من كل شي مافي شي بالكون الا عملتو جربت كل شي ..مافي شي بخليني مبسوطة …

#انا:- تعي تعي نامي بكرة بنحكي …

نامت هيا اللي شعرت انها اضعف مخلوق بالكون ..طلع الصبح وفقت غسلت وجهي واستعديت مشان هيك ..دقيت عليها الباب مافتحت حاولت اكتر من مرة مافتحت ..ناديت على الحرس وسألت الخدم قالة بغرفتها ما طلعت … كسروا الخدم باب الغرفة ..وكانت هي غرقانة بدمها منتحرةة… قربت عليها كانت بعدها عايشة بس غايبة عن الوعي وقلبي بعدو بدق … خبرنا ابوه اللي رفض ينقلها على المشفى خوفا من الفضيحة وطلب من الاطباء يجو يعالجوها بالبيت ..بهاي الفترة كنت انا على طول جنبها لعند ما استعادت وعيها … طلبني ابوها بيوم مساء وقلي ..

#الوزير :- خلصت مهلتك هون وراح ادمرلك حياتك انت ماحسنت تساعد بنتي ..

#انا:- بنتك عنيدة واللي هي فيه مابصير بشهر بدها سنة لتطلع من هالحالة..

#الوزير :- اسمع معك شهر كمان اذا ما البنت اتحسنت راح هون تموت انت وعائلتك على ايدي …

#انا :- بدي طلب انا راح اخد البنت معي لمكان تبعد وترتاح وتبعد عن رفقات السوء ..

#الوزير :- خدها وين مابتحب بس مابدي اي فضيحة ….

اخدت الاذن من ابوها واطلعت ضبيت ملابسها لهيا وطلبت سيارة واخدتها لمكان اللي عايشين فيه اهلي ..وقلتهن انا اتجوزت بالفترة اللي غبتها وهاي مرتي وبدي تحترموها ..اهلي بالبداية تعبو مني ومن كلامي .. بس قلتهن كرمالي واترجيتهن انو راح تكون فترة وتعدي بس ساعدوني … جهزولي اهلى غرفة لالي انا وهي .. ودخلتها الغرفة …وتركتها لترتاح …ومن فاقت ..

#هيا :- انا وين

#انا:- انت هون ببيتي …

#هيا:- شو جابني لهون

#انا :- حاج اسئلة ابوكي جوزك لالي لداري الفضيحة اللي عملتيها.. ولازم تسمعي كلامي لان راح يقتلك . وانا اخدتك منو خوف عليكي ..

#هيا:- ابي يعمل فيني هيك ..

#انا :- بيك بيعمل اكتر من هيك راح قوم اطلب الافطار …لالك ..عائلتي برا راح اعرفك عليهن بس شغلة انا فكيت كل الاقراط يلي بوجهك فكي هاد يلي بأنفك ماعرفت …

#هيا :- ليش

#انا:- لاني مابحبهن وهون عيشة غير هونيك راح تعيشي بالمستوى اللي انا قلتلك راح عرفك عليه ..والا ابوكي بيقتلك ..

هيا كانت جدا خايفة وكأنو سار معها جريمة بس مو عرفانه تحكي ..انا صبرت عليها كانت تقضي اغلب وقتها بالنوم لان كنت حطلها منوم خفيف ..مشان مايسير معها تشنجات المخدرات …يوم عن يوم بلشت صحتها تتغير بس افكارها متل ماةهي تعبتني بعنادها يوما الاكل بصعوبه طعميها اياه ..وطريقة اللبس والاهتمام اخد عمري فيه .. مر اسبوعين وانا واهلى تعبانين مشان هيا تتغير .. بيوم كانت امي بتصلي الصبح وانا قاعد جنبها عم اتابع ملفات شغلي . شفت هيا فاقت ولبست متل امي وقعدت جنبها متل طفل صغير بقلد الكبار بالصلاة ..امي خلصت صلاتها وقالت لالها …

#امي :- بتحبي علمك هالشي

#هيا :- اي شفتك كتير بتعمليها وبتكوني مبسوطة ويوميا بفيق بشوفك عم تغسلي وتلبس وبتكوني مرتاحة ..انا جبت لبست لاعمل متلك مشان سير مبسوطة ..

#امي :- طيب تعي حبيبتي اعلمك اول شي الوضوء ….

((كان تجاوب هيا مع امي كتير حلو ..وعلى طول مع امي ترتب وتطبخ وتتعلم دايما اشوفها مبسوطة ..فحوصات هيا من المخدرات انتهت وسار دمها نضيف بسرعة مذهلة ..حبت هيا العيشة معنا والبساطة حتى طريقة كلامها ولبسها تغير . حتى الصلاة اتعلمتها بس في افكار بعدها شيطانية عندها وخوفت اهلي فيهن.. …

#انا :- هيا تعي جايبتلك هدية

#هيا :- لالي انا

#انا :- اي لالك …تعي على الغرفة ..

(( جبت هيا وقعدتها وسرت احكي معها وقلها انك انتي احلى هدية من الله للكون ..وسرت اقلها عن الله سبحان وتعالى ايات واحاديث . كانت هيا مستمتعة كتير .. لحتى غفت على كتفي وهي مرتاحة .. الصبح من فاقت قالت ..

#هيا :- وسيم انت شو عملت لالي لخليتني هيك ..

#انا :- انا ماعملت شي انتي عملتي وساعدتي حالك

#هيا :- لا بس انا قصدي اني بحبك ..

#انا :- بتحبيني ليش ست هيا ..

#هيا :- لانك انت الشخص الوحيد اللي اسعدتني ابي بحياتو ماحتى حضني دائما مشغول وبصفقات واعطاني الحرية لحتى دمر حياتي…

((انا وقتها اتذكرت صفقات ابوها لهيا وانو مادام خطتي زبطت لازم استعجل بموضوع هيا ….

#انا :- هيا انتي بتحبيني كتير..

#هيا :- اي وسيم …

#انا :- وانا بحبك من اول يوم قابلت فيه .. (بسراحة انا ماحبيت هيا بس عشرتي معها والايام اللي قضيتها معها مابفسرها بحب .. ))

#هيا :- انا كتير مبسوطة معك ومابدي اتركك

#انا :- ولا انا ..انتي بتثقي فيني ما.. بدي احكيكي بموضوع ومافي غيرك يساعدني فيه …

(( بلشت اروي لهيا كل شي ماكنت اتوقعت انها تكون عم تسمع بدون ما انها ادافع عن ابوها . او تقلي لا انت كذاب كانو عيونها بيدمعو ..وكانت راضية بكل كلامي وبلشت كفي لوقت ماقالت ..

#هيا :- انا بعرف ابي من زمان هيك كان لالي اخ مات بسبب هالشي وابي ما حرك ساكن .. وانا تعبت متل اخي بس هو خاف عليه ليصير مصيري متل اخي لهيك بعتك لالي …

# انا :- هاد مو بس مصيرك هيك ومصير اخوكي هاد مصير شباب كتير يوميا عم تموت بتحبي فرجيكي صور لمرضى عندي وقصص .. بلشت اروي لهيا قصص ناس ماتو وادمروا بسبب المخدرات حمي قلبها لهيا… وقالتلي انا معك شو ما طلبت مني قلتها بدي ترجعي عند ابوكي وتقوليلو انك صرتي بخير وتجيبي المستندات وجميع الاوراق كلها .. اللي تثبت انو اغلب المسئولين متورطين بهاي الجريمة ..وعدتها اني ما اتركها واني معها على طول اذا جابت كل الاوراق راح احط ابوها تحت الامر الواقع ويوافق على زواجي منك …. (( وافقت هياا على طلبي واجا موعد رجعتها لبيت ابوها …وهاد اللي صار قدرت هيا تسرق جميع الورق وقالتي انو في معارضين لابوها وواصلين بيحسنو يفضحو هاي الفئة بدون ما نتعرض لأذية .. كانت مهمة هيا انها ترسل الملفات والاوراق الثبوتية ..وانكشفت الفئة المتورطة جميعا كنت عم تابع الاخبار .. من دقتلي هيا وقالت …

#هيا :- يالا وسيم يالا وافق انا نجحت وانقذت شباب كتير ..

#انا :- اي حبيبتي شفت هالشي يسعدو البطل …

#هيا :- يالا لكان حققلي امنيتي معك..

((امنية هيا كانت اني اتزوجها بس انا امنيتي اني اتزوج وحدة احبها ..قلتها خلص راح افكر واجهز اموري … وهاد اللي صار اتزوجتها لهيا.. البنت اللي كنت افكر اني مارح احبها …يوميا كانت تثبت لالي انها بتحبني من افعالها وتصرفاتها وانا زاد تعلقي فيها .. غيرتي عليها صارت تظهر وخوفي عليها صار لابعد الحدود او اذا حد حكاها كلمة صرت مريض غيرة ….وبلشت اتعالج عند رفيقي الدكتور عمر .. وعرفت اني بحبها بجنون .. شخص متل هيا حتى انا خلتني ضحي كرمالها …البنت صاحبة الاقراط والديانة الشيطانية … صار لبسها محتشم ومواظبة على قراءة القرءان وصلاتها … صرلي معها الان 6 سنوات ومن اول سنة الله رزقني قيس .. ابني الحافظ 3 اجزاء من القرءان يمكن الله اراد انو يكافئني فيه لعملي اللي اتعبت فيه ..بس شغلة اخيرة مرتي الحلوة هيااا بعدها عنيدة وعنادتها مالقيت لالها حل بكل كتب علم النفس لان عندي احساس راح اكسرلها راسها بالاخر بشي بلطة . فياااااااا اخواتي الكريمات بدي حل سريع سريع لالها … قبل لتصير نفسية وتجي تسرد مشاكلها على قروب الكاتبة جمايكا … صحيح شغلة اخيرة لالكن ….اذا كان هناك الطبيب وسيم فليذهب الدواء الى الجحيم .. . اللي بدها عنواني تسأل المبدعة جمايكا …. لان عم فكر دور على عروس

#

.#انتهت

يا صبايا يا حلوات القصة خيالية من تأليفي ولا توجد شخصية اسمها وسيم … انا كتبتها بطريقة لتجذبكم … رأيكم حبيباتي على نهاية القصة ضروري احبكم